Oqaatsut: Sanaartorfissat atorneqanngitsut

Qaasuitsup Kommuniani kommunalbestyrelsep aalajangiuppaa, Oqaatsuni sumiiffik B01-mi sanaartorfissat atorneqanngitsut marluk allagarsiunniarlugit.
18. maj 2017
Sanaartorfissat nutaat marluk inuussutissarsiornermut umiarsualivimmullu siunertallit qinnuteqarfiusinnaapput. Ataani nunap assingani sanaartorfissat inississimaffii angissusiilu takusinnaavatit NunaGIS-imiluunniit nanisinnaavatit.

Nunaminertaq sanaartorfiusinnaasoq sanaartorfigineqanngitsorli nunaminertamik atuisinnaanermut qinnuteqarfigisinnaavat NunaGIS aqqutigalugu aamma kommunip nittartagaa aqqutigalugu qinnuteqarluni immersugassaq aasinnarlugu immersorneqassaaq, uaniittoq: http://www.qaasuitsup.gl. Inummit imaluunniit suliffeqarfimmit ataatsimit qinnuteqaat ataasiinnaq immersoqqusaavoq, inuttut ataasiinnartut allassimasussaq aamma inatsisit malillugit ataasiinnarmik atuarneqarsinnaassaaq. Qinnuteqaatit tamarmik pappiliartaat nassiunneqartut aallaavigalugit nalilersorneqarumaarput. Nunaminertaq sanaartorfissaq qinnuteqartunit arlalinnit assigiimmik akuersivigineqarsinnaatillugu kommuni akuersissummik tunniussisinnaajumalluni makitsisariaqassaaq.

Qinnuteqaatit tamarmik makkunannga imaqassapput:
1. Sanaartugassap ilusissaatut siunnersuut, sanaartukkap inissisimaffissaanik, isikkussaanik atortullu suut atorlugit sananeqarnissaanik nassuiaatitalik.
2. Sanaartukkap sumut atorneqarnissaanik paasissutissat.
3. Teknikkikkut atortut ikkusuunneqartussat pillugit paasissutissat.
4. Aningaasaqarneq pillugu paasissutissat, qinnuteqaatip piviusunngortitsisinnaaneranik uppernarsaatitut atorneqartoq.

Piffissaliussat aamma suliat pilersaarutaat:
16.05.2017: Nalunaaqutaq 08:00-miit sanaartorfissani nunaminertamik atuisinnaanermik qinnuteqaatit nassiunneqarsinnaapput. 
27.06.2017: Nalunaaqutaq 16:00 nunaminertamik atuisinnaanermik qinnuteqaatit tigooqqarneri siullermeertumik matussapput.
Tamatuma kingorna sanaartorfissaq suli sanaartorfigineqarsimassanngippat nunaminertamik atuisinnaanermut qinnuteqaatit qaqugukkulluunniit qinnutigineqarsinnaapput.

Ilitsersuut
Siunnersuutit ilitsersuutillu Pilersaarusiornermut immikkoortortaqarfimmut oqarasuaat: 947800 imaluunniit mail-imut: plan@qaasuitsup.gl. saaffiginnilluni pissarsiarineqarsinnaapput.