Qaasuitsup Kommuniata upalungaarsimasuutitaanit tusagassiutinut nalunaarut

Qaasuitsup Kommuniata upalungaarsimasuutitaasa ikuallattoorluni ajoqusernerit naneruutinillu ikumatitsinermi mianersuaalliornerup kingunerisaanik illup iluani ikuallattoorsinnaanerit pinaveersaarnissaannik immikkut ittumik sammisaqarneq ukioq manna siunertarivaat.
7. april 2017

Nuannisarnermi qaammaqqutit LED-imik qaammaqqutitallit ikuallatitsineq ajorput 

Upalungaarsimasuutitat kommunimi najugallit, paaqqinnittarfiit suliffeqarfiillu ileqqoq malillugu naneruutinik atuiunnaarlutik naneruutaasanik LED-imik qaammaqqutitalinnik taarsersuinissaannik kajungissaarinnipput. Naneruutaasat LED-imik qaammaqqutitallit ikuallassinnaanngiillat imaluunniit paaliorlutik pujuliorlutik mingutitsineq ajorlutik. Naneruutaasat LED-imik qaammaqqutitallit ilaqutariinni meerartalinni, utoqqarni innarluutilinni kiisalu avatangiisini allani ileqquusumik naneruusersorfiusartuni ikuallannissamut qaninnerulersitsisartuni kusassaataanissaminnut tulluarput.

Naneruutaasat LED-imik qaammaqqutitallit ”inneri aalarusaartarput” aamma qiviaannavillugit naneruutinut assigusorujussuupput, taakkua isikkuinut assigukkamik, kiisalu angissutsit assigiinngitsunngorlugit nassaassaapput: fyrfadslysingasut, naneruutit angisuut assingi, naneruutit ammalortut assingi aamma naneruutit ammalortut angisuungasut.

Naneruutaasat LED-imik qaammaqqutitallit pisiniarfinni arlalinni tuniniarneqarput aamma siumoortumik inniminniinerup kingorn Qaasuitsup Kommuniata qatserisartoqarfianut qaninnermut aaneqarsinnaassallutik.