Nunattta Kujataani Avannaanilu Kiffartuussinermut Isumaqatigissut pillugu allakkat ammasut

7. december 2016

Tusagassiutitigut Kiffaartuussinermut isumaqatigiissutip pilerneranit ingerlasimanera akunnerni kingullerni eqqartorneqartoq initusimaqaaq. Pakatsineq tamaginnit annertu-simavoq.

Qaasuitsup Kommunia sinnerlugu ajoraluartumik kikkut tamarmik tusaasinnaasaattut assortuunnernut peqataarusunngilanga, taamaattorli Nunatta Avannaamiuusugut Qaanaap eqqaani, Upernavimmi Qeqertarsuullu tunuani angallannikkut pissutsinik isumakuluuteqarpugut.

Isumakuluutigaarattaaq uatsinnut pingaaruteqarluartoq tusagassiutitiguinnaq ingerlanneqarmat. Taamaattumik suliami uani immikkoortikkuminaapput isummat, pisuutitsiniarnerit, kiiisalu pissusiviusut nunatsinni innuttaasunut attuisuusut. Oqallinnermi tusaasinnaasanni kussinniortoqartoq kiisalu iluaqutaanngitsumik imminut nipituuliorfiginnittoqarpoq, isumatuumik oqallinnissaraluamut iluaqutaanngitsumik.

Tusaasinnaasattut suliamut attuumassuteqartut akornanni qunneqartutut ippoq, suliap ingerlanerani kiisalu piviusut innatsisinut naleqqiullugit.

Taamaattumik qamannga pisumik tamaginnut kaammattuutigiumavara, suliaq illinernut uterteqqinneqassasoq.

Taamaattumik suliap pineqartup suliarineqarsimanera qulaajaaffigitigu paasiumallugu sunik tunngaveqarnersoq. Taamaattumik avataani inissisimasumik attuumassute-qanngitsumillu suliap ingerlasimanera misissortitsigu nalunaarusiaritillugulu. Tuaviortumik pisinnaappat tuaviortumik 

Taamaasereerpat naapilluta pissutsit toqqisisimanartut ataanni angallassinissamut kiffartuussiumasut, Naalakkersuisoq Martha Lund Olsen kiisalu borgmesterit akornanni. Pissutsit piviusut nerriviup qaavanut ilitigik kikkut tamaasat periarfissillugit isummaminnik saqqummiussinissaannut, nalilersuinissaannut aarleqqutigisaminnillu periarfissitsigik immitsinnullu tusarnaarluta.

Ole Dorph
Borgmester
Qaasuitsup Kommunia