Qaasuitsup Kommniani aningaasaqarnikkut ineriartorneq ineriartortuarsinnarpoq.

7. december 2016

Qaasuitsup Kommuniani kommunalbestyrelsip pingasunngorneq 30. November 2016-imi ukiumut naatsorsuiffiusumut 2017-imut missingersuusiani naammassivaa, 1.287.744 kr. isertikkumaagassatut kiisalu ukiup naaperani 68 mio. kr.-inik uninngasuuteqartussatut.

Tamanna peqquteqarpoq akileraarutitigut isertitaqarnerunissaq, aalisarluarnermik, takornariaqartitsinermillu ineriartortitsinermik sanaartugaqarnerulernermillu 

Kommunip pikkorinnerulerfigisimavai nakkutilliineq kiisalu missingersuutinik malinnaatitsineq. Tamatumalu kinguneraa ukiumut 2017-imut missingersuusiornermi kisitsisinik piviusorsiortunik tunngavissinneqarmat.

Kommunip avinneqarnissaa tunaartaralugu kommunalbestyrelsip aalajangerpaa, naatsorsuiffiusup 2016-ip naanerani bankimit tigoriaannaat atorneqarsinnaasut taamaatinniarlugit kiisalu malunnaatilimmik akiitsuni millisinniarlugit. Taamaakkaluartoq sanaartugassanut 135 mio. kr.-nit immikkoortissinnaasimavai innersuussutigalugu kommuninngortussanut marlunnut aveqatigiikannerlugit atugassiissutaassasut.

Aningaasaqarnerup ineriartorneranik patsiseqartumik kommunimi suliaqartitsineru-lernissaq piffinni atataani pineqartuni tunngavissinneqarpoq:

  1. Meeqqat atuarfianni atuartunut tamanut Ipad-teqartitsilernissaq
  2. Ilulissani inissialiorneq
  3. Kommunip arsaattarfiinut arfinilinnut ivigaasanik qalliinissaq kommuninngor-tunut marlunnut agguarlugit
  4. Meeqqerivimmiitsitsinermi akit appartinneqarput
  5. Meeqqat kommunip avataanut inissinneqartartut angerlartinnissaat
  6. Nunaqarfinnut Aqutsisunut aningaasanik atugassiineruneq
  7. Aasianni sisorartunut qamussuit illiniliuutit

“Taamaattumik tulluusimaarutigaara missingersuut 2017-imut sinneqartoorfiusussatut saqqummiussinnaagakku. Taassumalu takutippaa kommuni aningaasaqarnikkut ingerlalluarfiusoq. Taamaattumik kommuniulersussat marluk akiitsoqaratik aallartinnissaat tunngavissinneqarpoq.”

“Periarfissaq iluatsillugu kommunimi innuttaasut tamaasa suliaqarsinnaassusiannik qutsateqarfiginiarpakka, taakkoqanngippatami taama malunnartigisumik ineriartorsinnaasimanngikkaluaratta.

Ole Dorph
Borgmester
Qaasuitsup Kommunia