Kommunip pilersaarutaata tapiatut siunnersuut nr. 23 Upernavimmi nunaminertat sanaartorfissat immikkoortinneqartut tamanut oqallisassianngorlugit saqqummiunneqarput piffissami uani 02.11.2016-mit 29.12.2016-i ilanngullugu

Qaasuitsup Kommuniani kommunip pilersaarutanut 2014-26-imut tapiliussaq nr 23. Immikkoortumi immikkoortortamut pilersaarut UPV 1600 - A02, A03, A04, C03
2. november 2016

Kommunimi pilersaarummut tapiliussap siunertaa:

Immikkoortortani piusuni sanaartorfissnik atugassiissuteqarnissaq kommunip pilersaarutaanut tapiliussami pingaarnertut siunertaavoq. Sanaatorfissat 15-it atugassiissutigineqarput. Immikkoortortani tamani inissianik sanaartornissamut atatillugu sanaartorfissanut atugassiissutigineqartunut ilaatinneqassapput pingaarnertut aamma immikkut ittumik aalajangersakkat.

Kommmunimut pilersaarummut tapiliussaq sapaatip akunnerini arfineq-pingasuni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.

Tusarniaanermi akissuteqaatit kommunimut toqqaannartumik kommunimi pilersaarutip nittartagaa atorlugu nassiussinnaavat. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.

Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.

Kommunip pilersaarutaata tapia tamanit oqallisassianngortillugu saqqummiunneqarpoq piffissami uani: 02.11.2016-mit 29.12.2016 ilanngullugu.

Qinnuteqaat kommunip nittartagaani uani takuneqarsinnaavoq www.qaasuitsup.gl imaluunnit kommunimi pilersaarutip nittartagaani uani http://qaasuitsup.kommuneplania.gl/gl/tusarniaanermut_-_kommunimut_pilersaarutip_tapia.htm