TUSAGASSIORFINNUT NALUNAARUT

Qaasuitsup Kommuniani summiiffinni tamani inuussutissarsiornikkut siunnersortit pilersinneqartut
6. oktober 2016

Qaasuitsup Kommuniani inuussutissarsiornermik Ingerlatsivik illoqarfinni tamani nukittorsarneqarluni innuttaasunik sullissineq pitsanngorsaavigineqaruttulerpoq. Tamanna siunertaralugu illoqarfinni Qaanaaq, Upernavik, Uummannaq, Qeqertarsuaq kiisalu Aasiaat inuussutissarsiornikkut siunnersortinik pilersitsivigineqarput.

Pilersitsinermi siunertaavoq innuttaasoq kinaluunniit siunnersorneqarnissamik pisariaqartitsisoq, nammineq illoqarfigisamini, kommunip allaffianut saaffiginninnikkut inuussutissarsiornikkut siunnersorneqarsinnaanissaa.

Ulluni 22. – 27. september 2016 Qaasuitsup Kommuniani illoqarfiit pineqartut, kiisalu Kangaatsiap Qasigiannguillu peqataatitaqarfigisaannik, inuussutissarsiornermut siunnersortit Ilulissani pikkorissartinneqarlutillu isumasioqatigiisinneqarput.

Isumasioqatigiisitsinermi siunertarineqarpoq inuussutissarsiornikkut siunnersuisarnerup nukittuumik ataqatigiissumillu ilusileriartuaarnissaa aammalu sumiiffinni naleqquttunik sakkussanik ineriartortitsinikkut inuussutissarsiummik pilersitserusuttumut siunnersuisarnerup nukittorsarnissaa.

Qaasuitsup Kommuniani takornariaqarneq ukiut tamaasa annertusiartorpoq taamaattumillu inuussutissarsiornikkut siunnersortit suliassaasa pingaarutillit ilagissavaat - sumiiffinni tamani inooriaaseq, piorsarsimassuseq, minnerunngitsumillu sumiiffinni nukiit, aallaavigalugit takornariaqarnerup siuarsarnissaanut aqqutissiueqataassallutik.  

Inussiarnersumik inuulluaqqusillunga
Hans Peter Lennert
Inuussutissarsiornermut Pisortaq