NEQEROORUTEQARTITSINERMUT NASSUIAAT

Kangerluarsuup aamma Kangiata tungaanut qimussit illernginik aamma qamuteralaat aqqutaat pillugit kiffartuussineq
2016-2020
5. september 2016

Ilisimatitsineq:

Neqeroorummut uunga kiffartuussinermut ilaapput, ukiuunerani qimussit illernginik aamma qamuteralaat aqqutaannik aserfallatsaaliineq. Kiffartuussinerup annertussusia silamit aallaaveqartartussaavoq ukiuuneranilu piffissap qanoq ilineraniluunniit suliarineqartartussaallutik. Ikinnerpaamik qaammammut marloriarlutik suliarineqartassallutik.

Qimussit illernginik aamma qamuteralaat aqqqutaannik aserfallatsaaliinermut sullissineq, innuttaasunit tamanit assut eqqumaffigineqartarpoq, tassa ukiuunerani pissutsit atuunneranni qimussit illerngisa aamma qamuteralaat aqqutaasasa ingerlavikkuminarnissaannut sillimaniarnikkullu isumannaatsuunissaannut tamanna sunniuteqaqataasarmat. Taamaattumik sullissinerup pitsaalluinnartumik aamma piffissaq eqqorlugu suliarineqartarnissaa Qaasuitsup Kommunianut pingaaruteqartorujussuuvoq.   

Qimussit illernginik aamma qamuteralaat aqqutaannik kiffartuussineq, sisorarfimmi manissaat maskiina imaluunnit assingusoq suliassamut naleqquttoq atorlugu ingerlanneqartarpoq. Qimussit illerngi sumiiffinni periarfissaqarfiusuni minnerpaamik sanimut 6 meter-iusussaavoq. Aamma qamuteralaat aqqutaat minnerpaamik sanimut 3 meter-iusussaalluni.

Suliarinnittussarsiortoq:

Suliarinnittussarsiortoq tassaavoq Qaasuitsup Kommunia, Noah Mølgårdip Aqq. 9, Postboks 1023, 3952 Ilulissat. Suliarinnittussarsiortoq tulliuttuni Kommunimik taaneqartassaaq neqerooruteqartorlu sullissisutut taaneqartassalluni.

Suliarinnittussarsiortumi inuk attavigineqartussaq:

Suliarinnittussarsiornerup ingerlanerani suliarinnittussarsiortumi inuk attavigineqartartussaq tassaavoq Søren Lindenhann sianerfigisassarlu tassaavoq 94 77 51, soli@qaasuitsup.gl.

 Suliarinnittussarsiuussinerup ilusaanut akigititaq:

Suliassaq tamanut saqqummiussilluni suliarinnittussarsiuunneqarpoq, malitsigisaatut isumaqatiginninniarsinnaanermut periarfissaqartitsisoqarluni.

Akigitinnigaq aalajangersimasumik akiusussatut, ukioq ataasikkaartoq, tunniunneqassaaq

Neqeroorut tunniussineq aallarnerfigalugu pituttuisuussaaq aamma neqerooruteqartup neqerooruteqartitsinermi piffissaliussap qaanngiunneraniit sivikinnerpaamik ullut 40-t neqeroorutini attatiinnassavaa. Neqeroorummik tunniussinermut ajunngitsorsiassanik tunniussisoqassanngilaq. Neqerooruteqarnermi atortut ilanngussat ilanngullugit tunniunneqartut, kommunip pigisaatut isigineqassapput.

Sullissisup sullissisisui:

Neqerooruteqartut sullissisup sullissisuinik atuinissaq namminneq akisussaaffigissavaat. Suliassap isumaginissaa eqqarsaatigalugu sullissisup sullissisuisa pisariaqartumik sulianut piginnaasaqarnissaat neqerooruteqartut akissussaaffigaat.

Sullissinerit:

Neqerooruteqarnermut aamma sullissinermut tunngaviusut tassaapput:

  • Suliarinnittussarsiuussinermi atortut uku neqeroorutit allassimaffiannik aamma iluarsiissutissanut allattuiffimmik ilaqarpoq.
  • Suliarinnittussarsiuussinermi uani pineqartumi, Kalaallit Nunaanni aamma nunat tamaat akornanni inatsisit, nalunaarutit, oqartussaasut piumasaqaataat, maleruagassat aamma malittarisassat il.il. atorneqarput.

Sukkulluunniit sliassap suliarinissaanut oqartussaasut akuersissutaannik pisariaqartunik tamanik sullissisisoq peqassaaq.

Suliarinnittussarsiuussinermi atortunik tigusinermi sulissisup, suliarinnittussarsiuussinermut atortut tamarmiunissaasa qulakkeernerisa saniatigut, inatsisit, maleruagassat aamma allakkat uppernarsaatit il.il. imarisaat aamma ilisimasussaavai.

Sullissisup neqeroorummik tunniussinissaa sioqqullugu, suliassap suliarinissaanut tunngatillugu suliassap annertussusia aamma sumiiffimmi pissutsit paasiniarneqarsimanissaat tunngavissaatitaavoq.

Sillimmasiineq:

Sulinerup nalaani ajutoorsinnaaneq eqqarsaatigalugu akisussaasutut sillimmasiinerit pisariaqartut sullissisup pigisussaavai. Sulinerup ingerlannerani ajoqusernerit tamakkerlugit sullissisup akissussaaffigai.

Akiliut:

Pineqartumik suliaqarnermik aallaaveqartumik, aggeqquneqarnermi piffissaliunneqartumik pinerit tamaasa sippuinermut akiliuteqartoqartassaaq/ilanngaassisoqartassaaq:

  • Minnerpaaffittut piumasaqaatit eqquutsinneqanngikkaangata, sullissinernit itigartitsinissaq/akiliuteqartitsinissaq imalunniit ilanngaanneqarnissaq piumasarineqarsinnaavoq.
  • Imeqarfiup killeqarfiata iluani qamutit motoorillit pillugit Nukissiorfiit piumasaqaataat unioqqutinneqarpata, sulinerup siunissami ingerlaannarnissaata eqquutsinneqanngineranik nassataqarsinnaavoq taamaalillunilu isumaqatigiissummik atorunnaarsitsinermik kinguneqarsinnaalluni.

    Takkutinngitsoornermi suliakkiisoq – akiliisitsinerup saniatigut – sullissisup akiligassaanik suliassaq suliaritissinnaavaa, taamaalilluni suliakkiisoq akisussaatinneqarsinnaassanani. Kinguaattoornerit uteqqiasut imaluunniit takkutinngitsoornerit, isumaqatigiissummik eqquutsitsinnginnertut suliarineqassapput.

    Suliakkiisoq sivikinnerpaamik minutsit 60-it ingerlaneranni ikinnerpaamik tallimariarluni oqarasuaatikkut sianersimappat sullissisumullu attaveqarnissaq angunngitsoorlugu – suliakkiisumut nalunaaruteqarnani/isumaqatigiissuteqarnani – takkunissamut piffissaliussap kingorna ullup ataatsip iluani sulisussatut atortussatullu isumaqatigiissutaasimasunik atugassiinngippat – takkutinnginnertut isigineqassaaq.

    Pissutsit avataaneersut immikkut illuinnartut patsisigalugit piffissaliussamik sippuineq sullissisup ingersumik suliakkiisumut uppernarsaatitaqartumik nalunaarutigisimappagu, akiliuteqarnissamik piumasaqaat atorunnaarsinneqarsinnaavoq. Pissutsit avaaneersut immikkut illuinnartut assersuutigut taaneqarsinnaasut tassaasinnaapput, atortuutinik ajoquteqarnermik imaluunniit silap pissusai immikkuullarilluinnartut il.il. pissuteqartumik kingusinaartumik takkunneq.

    Piffissamut pilersaarut aamma piffissaq isumaqatigiissuteqarfiusoq:

    Suliarinnittussarsiuussineq ingerlanneqassaaq piffissamut pilersaarut tulliuttoq malillugu:

  • 5. september 2016-imi suliarinnittussarsiuussineq tamanut saqqummiunneqassaaq (kommunip nittartagaa)
  • 19. september 2016-imi paasissutissanik pissarsiniarnissamut piffissaliussaq.
  • 26. september 2016-imi neqerooruteqartitsinermut piffissaliussaq qaanngiutissaaq.
  • 26. september 2016-imi neqerooruteqartut suliarinnittussarsiornermi inernerusunik ilisimatinneqassapput.
  • 28. september 2016-imi tunniussinissamik aalajangiineq pillugu neqerooruteqartut ilisimatinneqassapput.
  • 31 oktober 2016-imi piffissaq upalungaarsiusoq 2016/2017 aallartissaaq.

2016-imi oktober-ip naanerani suliassaq tunniunneqareersimasinnaasoq naatsorsuutigineqarsinnaavoq.

Sillimmasiilluni neriorsuutit:

Isumaqatigiissutip atsiornerani neqerooruteqartoq sillimmateqarnerminik saqqummiussissaaq, aningaaseriviup qularnaveeqqusiineratut iluseqartumik.

AP95-imi § 6-imi sillimmateqarnerup annertussusissaatut, neqeroorutitut tunniunneqartup 5 %-erissagaa aalajangersarneqarpoq.

Piffissaq neqerooruteqarfiusoq:

Suliarinnittussarsiuussinermi atortut pissarsiarineqarsinnaapput uannga………qaasuitsup.gl…….

Suliarinnittussarsiuussinermi tunngaviusut ilaat neqerooruteqartumut paasiuminaappata, neqeroorutip tunniunnissaa sioqqullugu kingusinnerpaamik ullunik arfineq-marluk sioqqullugit, paasissutissat inummut attaveqarfiusumut taassuma pissarsiariniarsinnaavai.

Apeqqutit akissutillu, iluarsiissutitut allattuiffiit kiisalu ataatsimeeqatigiinnissamut aggersaanerit, kommunip nittartagaa aqqutigalugu tamanut saqqummiunneqassapput, neqeroorutip tunniunneqarnissaa sioqqullugu, neqerooruteqartup iluarsiissutitut allattuiffiusinnaasut kiisalu apeqqutit akissutillu, paasisimanissaat neqerooruteqartup akisussaaffigaa.

Neqeroorummik tunniussineq:

Neqerooruteqartup neqeroorummik tunniussinerminut atatillugu, suliassat tamaasa immikkut neqerooruteqarfigiumasani pillugit neqerooruteqarnermi immersuiffissamut allattussavai. Suliassanut neqeroorummik tunniussiffiusunut tunngatillugu, neqeroorummi allattuiffimmi paasissutissanik immersuiffissat immersorneqarsimassapput ataatsimoortillugillu ataatigut atsiorneqarsimassallutik.

Neqerooruteqartup neqeroorummi nassuiassavaa, qamuteralaat aqqutaat (1) (2) imaluunniit (3) aqqutissatut suliarineqassanersoq, taamaalilluni ”nalluarsuup illukasia”-nut apuutinnginnermi qimussit illernginut atassuserneqarsinnaammat.

Taamatuttaaq qimussit illerneqarfigisartagaat imaluunniit aqqutissaq alla (4) atorneqassanersoq pillugu nassuiaammik neqerooruteqartoq tunniussaqassaaq.

Neqeroorut pappialanngorlugu ataatsimik ataatigut atsiorneqartoq tunniunneqassaaq.

Neqeroorutit tunniunneqartut, piffissaq isumaqatigiissuteqarfiusoq naallugu atuutissapput. Aamma pisut immikkut illuinnartut, isumaqatigiissutip atuuttunngortinnerani illuatungeriinnit siumut takorloorneqarsinnaanngitsut, aatsaat pinerini allanngortinneqarsinnaallutik.

Neqeroorut pappialanngorlugu nassiunneqassaaq/tunniunneqassaaq uunga

Qaasuitsup Kommunia, Ingerlatsinermut Avatangiisinullu immikkoortortaq.                                                                                                                                   Noah Mølgårdip Aqq. 9
Postboks 1023
3952 Ilulissat
Uunga: Søren Lindenhann

 

Tunniussivissatut piffissaliussaq tassaavoq:
Ataasinngorneq ulloq 26. september 2016, nal. 12.00 Kalaallit Nunaata kitaani nalunaaqutaq malillugu, piffissami tassani neqeroorutit ammarneqartussaanerat eqqorlugu. Ammarterinerup malinnaaffiginissaanut tikilluaqqusaavutit, tamanna teknikkeqarnermut ingerlatsivimmi pissaaq, tassunga aamma neqeroorutit tunniunneqartussaapput.

Unammilleqatigiinnermut tunngasut patsisigalugit, neqeroorut allakkat puuaannut matoqqasumut ikillugu tunniunneqassaaq ilisarnaaseqqassallunilu ’’Allakkanik tigooraavimmit ammarneqassanngilaq – Neqeroorut: Qimussit illernginik aamma qamuteralaat aqqutaannik kiffartuussineq’’.

Allakkat puuanni allassimassaq, neqerooruteqartup aqqa, najugaa aamma inuk attavissaq (suliffeqarfiup naqissutaa atorneqarsimappat). Soorlu neqerooruteqartumisut.

Neqeroorutit kingusinaartumik tiguneqartut, atorsinnaassanngillat.

Allaanerusunik neqerooruteqarneq:

Allaanerusunik neqeroorutinik tunniussisoqarsinnaavoq. Allaanerusumik neqerooruteqarnermi, suliarinnittussarsiuussinermi nassuiaatigineqartutuut piumasaqaatit aamma qimussit illernginik aamma qamuteralaat aqqutaannik kiffartuussinermi piumasaqaatit minnerpaatut eqquutsinneqassapput.

Allaanerusumik neqeroorutit, immikkoortuni nassuiaateqarfiusimasuni allaaserineqarsimasunut sanilliullugu neqeroorutit sutigut allaanerussuteqarnersut pillugit sukumiisumik nassuiaammik ilaqartinneqassapput. Allaanerusumik neqeroorutit akii aalajangersarneqassapput.

Mianerisassat:

Peqatigiiffittut aaqqissussat nalinginnaasumik mianeriumasaat, neqerooruteqarnermut atatillugu ilanngunneqarsinnaassapput.

Mianerisassat allat, pingaaruteqannginnerusutut kommunimit isigineqarsinnaassagunik, qanoq akeqarnissaat kommunimit aalajangersarneqassapput aamma neqeroorutip katillugu akianut qanoq akeqartitsitsineq ilanngunneqassaaq.

Suliarinnittussarsiuussinermi atortut ilaannut tunngaviusunut atatillugu mianerisassat kiisalu mianerisassat aningaasanik nalilerneqarsinnaanngitsut kingunerissavaat, neqeroorutit atorneqarsinnaanngitsutut nalilerneqarnerat. Suliarinnittussarsiuussinermi mianerisassat, neqerooruteqarnermi taaneqarsimanngitsut, neqerooruteqartumit akuerineqarsimasutut isigineqassapput.

Neqeroorummut piumasaqaatit:

Neqeroorut qallunaatut imaluunniit kalaallisut allassimassaaq.

Suliasamut neqeroorut, neqeroortitsinermi immersugassat immikkoortui immersorlugit tunniunneqassaaq. Suliassat tamakkerlugit neqeroortummik tunniussinissamut, neqerooruteqartoq pisussaaffeqartinneqarpoq.

Suliassami suliassat tamaasa ilanngullugit kiffartuussinermut ilaassapput. Suliassaq akigititassaq aalajangersimasoq amma piffissaq akiusup atuuffissaa aalajangersimasoq 26. september 2020 ilanngullugu suliarinnittussarsiuunneqarpoq.

Neqerooruteqarnermi allattuiffimmik immersuinerup kingorna, neqerooruteqarnermi allattuiffik tunniunneqartinnani/nassiunneqartinnani, malitsitut naqiterneqassaq ataatigullu atsiorneqarluni.

Kalaallit Nunaanni moms-imut taarsiullugu kiffartuussinermik ingerlatsinermut akiliuteqartitsisoqarneq/akiluteqartoqarneq ajorpoq.

Suliassamik suliarinninnissamut atortussat suut sulisullu kikkut sullissisup atorniarnerai, sullissisumit nassuiaateqarfigineqassapput.

Tunniussinermiit neqeroorut pitussuisuulissaaq aamma neqeroortitsinermut piffissaliussap qaanngiunneraniit sivikinnerpaamik ulluni 40-ni suliffiusuni, neqerooruteqartup neqeroorutini attatiinnartussaavaa. Neqeroorummut tunniunneqartumut ajunngitsorsiassanik tunniussisoqassanngilaq. Neqerooruteqarnermi atortut tunniunneqartut ilanngussat ilanngullugit, kommunip pigisaatut isigineqassapput.

Neqeroorummik toqqaaneq:

Sullissiup neqeroorummik tunniussinermut atatillugu paasissutissat tulliuttut tunniuttussaavai:

  • GER-nummer, Kalaallit Nunaanni inuussutissarsiutit nalunaarsuiffianni suliffeqarfiup ilaaneranik uppernarsaataasoq.

Tunniussineq:

Sulissisoq tunineqartoq, suliassaq aki appasinnerpaassasoq piumasaqaataasoq aallaavigalugu toqqarneqassaaq.

Taamaattoq neqeroortitsisup neqeroorut itigartissinnaavaa, neqerooruteqartup suliassaq naammaginartumik pitsaassuseqartumik, pissusissamisoortumik illersorneqarsinnaasumik periuseqartumik imaluunniit piffissaq eqqorlugu suliarisinnaanngikkaa assut ilimanaateqartoq isumaqarfigineqarpat.

Taamaattumik akip saniatigut pingaartinneqarpoq, suliassap suliarinissaanut atortussat pisariaqartut sulisullu atorfissaqartinneqartut sullissisumit atugassiissutaasinnaanerat, taamaalilluni piffissamut pilersaarut malinneqarsinnaassalluni.

Ilanngussat: 

Neqerooruteqarnermut allattuiffik il.il.   

Neqerooruteqartitsinermi nassuiaat

Nunap assingink takussutissiaq

Bilag: 
Tilbudslist m.v. 
Udbudsbeskrivelse 
Kortoversigt

Inussiarnersumik inuulluaqqusillunga

Søren Lindenhann
Sanaartornermut Avatangiisinullu sulianut aqutsisoq, Qaasuitsup Kommunia
kommunip allaffia Noah Mølgårdip Aqq. 9
3952 Ilulissat
Oqarasuaat +299 94 78 00
Toqqannartoq: +299 94 77 51
E-mail:
soli@qaasuitsup.gl
Webmail: qaasuitsup@qaasuitsup.gl

Uka Hansen Olsen
Sanaartornermut Avatangiisinullu tekniikeri Ilulissanut nunaqarfinnullu
Sullissivik/Service Center
Marius Sivertsenip Aqq. 8A
3952 Ilulissat
Oqarasuaat +299 94 78 00
Toqqaannartoq: + 299 94 76 98
E-mail:
ukho@qaasuitsup.gl
Webmail: Qaasuitsup@qaasuitsup.gl