Pisortatigoortumik Kommunep pilersaarutaanut tapiliussap nr.49 sumiiffiit immikkoortuinut E11, E12, E13 aamma E14-mut Qaanaamiittut pillugit nalunaaruteqarneq

Kommunep pilersaarutaanut tapiliussap nr.49 sumiiffiit immikkoortuinut E11, E12, E13 aamma E14-mut Qaanaamiittut inaarutaasumik akuersissutigineqarput ulloq 09.09.2016. Kommunemut pilersaarutitut tapiliussaq ulloq 12.09.2016 pisortatigoortumik nalunaarutigineqarpoq, ullorlu tassanngaanniik kommunep pilersaarutaatut tapiliussaq inatsisitigut atuuttussanngorpoq”
12. september 2016

Kommunimi pilersaarummut tapiliussap siunertaa:

Pingaarnertut aalajangersakkat aamma aalajangersakkat immikkut ittut nunaminertanut atuuttussat aalajangersarneqassapput, taamaalilluni sioqqat, ujaraaqqat ujaqqallu piiarneqarsinnaaneri periarfissarsiuunneqassaaq.

Kommmunimut pilersaarummut tapiliussaq sapaatip akunnerini arfineq-pingasuni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.

Assaaffiusinnaasoq

Nunaminertaq sanaartorfiusinnaasoq sanaartorfigineqanngitsorli nunaminertamik atuisinnaanermut qinnuteqarfigisinnaavat NunaGIS aqqutigalugu aamma kommunip nittartagaa aqqutigalugu qinnuteqarluni immersugassaq aasinnarlugu immersorneqassaaq, uaniittoq: http://www.qaasuitsup.gl. Inummit imaluunniit suliffeqarfimmit ataatsimit qinnuteqaat ataasiinnaq immersoqqusaavoq, inuttut ataasiinnartut allassimasussaq aamma inatsisit malillugit ataasiinnarmik atuarneqarsinnaassaaq. Qinnuteqaatit tamarmik pappiliartaat nassiunneqartut aallaavigalugit nalilersorneqarumaarput.

Qinnuteqaatit tamarmik makkunannga imaqassapput:

1. Sanaartukkap sumut atorneqarnissaanik paasissutissat.

2. Teknikkikkut atortut ikkusuunneqartussat pillugit paasissutissat.

3. Aningaasaqarneq pillugu paasissutissat, qinnuteqaatip piviusunngortitsisinnaaneranik uppernarsaatitut atorneqartoq.

Piffissaliussat aamma suliat pilersaarutaat:

12.09.16: Nalunaaqutaq 16:00-miit sanaartorfissani nunaminertamik atuisinnaanermik qinnuteqaatit nassiunneqarsinnaapput.

24.10.16: Nalunaaqutaq 16:00 nunaminertamik atuisinnaanermik qinnuteqaatit tigooqqarneri siullermeertumik matussapput.

Tamatuma kingorna sanaartorfissaq suli sanaartorfigineqarsimassanngippat nunaminertamik atuisinnaanermut qinnuteqaatit qaqugukkulluunniit qinnutigineqarsinnaapput.

Ilitsersorneqarneq

Pilersaarusiornermut immikkoortortaqarfimmut saaffiginnilluni ilitsersuut pissarsiarineqarsinnaavoq, oqarasuaat: 947800,

qarasaasiakkut: plan@qaasuitsup.gl.
.