Kommunip pilersaarutaata tapiatut nr. 30-tut siunnersuut

Kommunip pilersaarutaata tapiatut nr. 30-tut siunnersuut; Qeqertami immikkoortortap nutaap E03-p tankeqarfiliorfigineqartup inatsisit malillugit atuuttunngortinneqarnissaa anguniarlugu suliarineqarpoq.
8. august 2016

Kommunimi pilersaarummut tapiliussap siunertaa:

Kommunip pilersaarutaata tapia tunngaviusumik pilersaarusiorsinnaajumalluni suliarineqarpoq aamma nunaqarfimmi Qeqertani tankiliap inatsisit malillugit atuuttunngortinneqarnissaa anguniarlugu suliarineqarluni kiisalu immikkoortortap nutaap teknikkikkut atortorissaarutinit atorneqarsinnaanissaa pillugu immikkut ittumik aalajangersakkat aalajangersakkallu immikkuualuttut suliarineqarlutik.

Kommmunimut pilersaarummut tapiliussaq sapaatip akunnerini arfineq-pingasuni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.

Tusarniaanermi akissuteqaatit kommunimut toqqaannartumik kommunimi pilersaarutip nittartagaa atorlugu nassiussinnaavat. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.

Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.

Kommunip pilersaarutaata tapia tamanit oqallisassianngortillugu saqqummiunneqarpoq piffissami uani: 01.08.2016-mit 26.09.2016 ilanngullugu.

Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 26.09.2016.

Qinnuteqaat kommunip nittartagaani uani takuneqarsinnaavoq www.qaasuitsup.gl  imaluunnit kommunimi pilersaarutip nittartagaani uani http://qaasuitsup.kommuneplania.gl.