Tusarniaaneq: Qaanaami nunaminertat immikkoortortai sisamat aatsitassanik piiaanermut atugassat.

Kommunip pilersaarutaata tapiatut nr. 49-tut siunnersuut, Qaanaami nunaminertat immikkoortortai sisamat aatsitassnaik piiaanermut atugassat, piffissami uani tamanut tusarniutigineqarpoq: 08.07.2016-miit 02.09.2016 ilanngullugu.
12. juli 2016

Qaasuitsup Kommuniata kommunimut pilersaarutaata 2014-26-p tapiata normua 49. Immikkoortortat QNQ 1700 – E11, E12, E13, E14-t pilersaarutaat.

Kommunimi pilersaarummut tapiliussap siunertaa:

Pingaarnertut aalajangersakkat aamma aalajangersakkat immikkut ittut nunaminertanut atuuttussat aalajangersarneqassapput, taamaalilluni sioqqat, ujaraaqqat ujaqqallu piiarneqarsinnaaneri periarfissarsiuunneqassaaq.

Kommmunimut pilersaarummut tapiliussaq sapaatip akunnerini arfineq-pingasuni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.

Tusarniaanermi akissuteqaatit kommunimut toqqaannartumik kommunimi pilersaarutip nittartagaa atorlugu nassiussinnaavat. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.

Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq.

Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 02.09.2016.

Qinnuteqaat kommunip nittartagaani uani takune­qarsinnaavoq www.qaasuitsup.gl imaluunnit kommunimi pilersaarutip nittartagaani uani http://www.qaasuitsup.kommuneplania.gl/gl/tusarniaanermut_-_kommunimut_pilersaarutip_tapia.htm