Tusarniaaneq: Illoqarfiup qeqqani siunertat iluanni nutaamik paaqqinnittarfiliorneq Kommunimut pilersaarutip tapiatut nr. 36-tut

Kommunimut pilersaarutip tapiatut nr. 36-tut siunnersuut, Aasiaat ”Qaqqamut” eqqaani nunaminertaq illoqarfiup qeqqanisut atorneqarsinnaasoq nutaaq tamanit oqallisassiatut saqqummisinneqarpoq piffissami uani: 13.05.2016-miit 08.07.2016 ilanngullugu.
13. maj 2016

Kommunimi pilersaarummut tapiliussap siunertaa:

Immikkoortortamut immikkut ittumik aalajangersakkat aamma aalajangersakkat immikkut ittut aalajangersarneranni illoqarfiup qeqqani siunertat ataatsimoorfiusartut inissiortornissaat sanaartorneqarnissaalluunniit, soorlu paaqqinnittarfiit assigisaallu, periarfissarsiuunneqartarput.

Kommmunimut pilersaarummut tapiliussaq sapaatip akunnerini arfineq-pingasuni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.

Tusarniaanermi akissuteqaatit kommunimut toqqaannartumik kommunimi pilersaarutip nittartagaa atorlugu nassiussinnaavat. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.

Tamaik tusarniaasoqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuersissutigineqassaaq. 

Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 08.07.2016.

Qinnuteqaat kommunip nittartagaani uani takune­qarsinnaavoq www.qaasuitsup.gl imaluunnit kommunimi pilersaarutip nittartagaani uani http://qaasuitsup.kommuneplania.gl.