Uummannami ilinniagaqarnissamut tapiissut, Qaasuitsup Kommunia MALITTARISASSAT

2. maj 2016

Ummannami Ilinniagaqarnissamut tapiissutinik sisamanik tunniussinermut tunuliaqutaasoq:

Ukioq 2013 Uummannap ukiunik 250-nngortorsiorluni nalliuttorsiorneranut atatillugu Ilinniagaqarnissamut tapiissutit sisamat tamarmik immikkut 20.000,-nik aningaasartallit Qaasuitsup Kommunia sinnerlugu Borgmester Ole Dorph-imit kiisalu Helsingør-ip Kommunia sinnerlugu Borgmester Johannnes Hecht-Nielsen-imit tunniunneqaarput. Tapiissut inummut ataatsimut ataasiaannarluni tunniunneqassaaq.

Ilinniagaqarnissamut tapiissutip siunertaa:

  • Piginnaasat, ilinnigaqassutsikut piginnaasat kiisalu naleqartitat Kalaallit Nunaanni inuiaqatigiinni pitsaasumik ineriartortitsinissamik kiisalu sinniisuunissamut pingaarutiliit akuerineqarnissaannik ersersitsineq.

 

Ilinnigaqarnissamut tapiissutinik pissarsinissamut piumasaqaatit:

  • Ummannami Atuarfik Edvard Kruse-mi meeqqat atuarfianni/Piareersarfimmi naammassisimanissaq imaluunniit 2005-imi majip/junip kingornatigut Uummannamut attuumassutilimmik ilinniakkamik allamik ingerlatsisimaneq kiisalu Danamarkimi ilinniagaqarneq, ilinniagaqarerni nangittumi ukioq siulleq naammaginartumik naammassisaqarsimaneq.
  • Qinnuteqartut ilinniakkatigut Qaasuitsup Kommunianut/Kalaallit Nunaannut ineriartornermut immikkut iluaqutaasinnaasut ilinniakkamillu naammassereerneratigut Kalallit Nunaanni suliaqarusuttut.
  • Ammattaaq nunani allani suliassaqarfitsigut Kalaallit Nunaannut kiisalu kalaallit naleqartitaannut sinniisuusinnaasut kiisalu kulturikkut/inuiaat akornanni siuarsaarusuttut qinnuteqarsinnaapput.
  • Ilinniagaqartut ilinniakkamik ingerlariaqqiffiusumik ilinniarlutik 2016-imi naammassisussat kiisalu nunani Kalaallit Nunaata avataaniittuni/Danmarkimi ilinniagaqarusuttut/sulinermik misileerusuttut/pikkorissarusuttut/paasisassarsiorusuttut.

 

Aningaasartuutit makku Ilinniagaqarnissamut tapiissummit matussuserneqarsinnaapput:

  • Aningaasartuutit ilinniagaqarnermut attuumassuteqartut uppernarsarneqarlutillu tunngavilersorneqartut / atortut matumani paasisasarsiorluni angalanerit, qarasaasiat, atuakkat, atuarfimmiit angallanneqarneq il.il. ilangullugit. Piumasaqaat: Aningaasartuut ilinniagaqarnermut attuumassuteqassaaq

 

Aningaasartuutitmakku Ilinniagaqarnissamut tapiissummit matussuserneqarneq ajorput:

  • Tikeraarnerit- sulinngiffeqarluni angalanerit, ineqarnermut aningaasartuutit imaluunniit akiitsunut ilanngartuinerit ilinniarnermut attuumassuteqanngisut.

Qinnuteqaat ilanngussanik makkuninga ilaqartinneqassaaq:

  • Ukiumi matumani aningaasaqarnikkut inissisimaneq pillugu paasissutissat, assersuutigalugu siumoortumik nalunaarsuinerup assilinera kiisalu ukioq kingulleq ukiumut naatsorsuutit.
  • Ummannami meeqqat atuarfianniit/ iliniagaqarfimmit soraarummeersimanermut uppernarsaat.
  • Danmarkimi ilinniagaqarsimanermut uppernarsaatit.
  • Ilassutit ilinniagaqarluni/atuarluni/sulinermik sungiusarluni DK-ip avataani nunani allaniissimanermut uppernarsaatit aamma tunngavilersuutit.

Qinnuteqarnissamut killigititaq: 31.05.2016
Qinnuteqaat Qaasuitsup Kommunianut ”Ilinniagaqarnissamut tapiissut”-mik nalunaaqutsigaq Qaasuitsup Kommunianut nassiunneqassaaq

Ilinniagaqarnissamut tapiissummut qinnuteqaat