KOMMUNEP NEQITSERSUISARFIA TUNINIARNEQARPOQ

9. maj 2016

Matumuuna Qaasuitsup Kommuniata tuniniarpaa neqitsersuisarfik B-1936, Amutsivimmut Aqqut, Ilulissat, tamanut ammasumik, 1. juli 2016-mi imaluunniit isumaqatigiissuteqarluni tiguneqartussanngorlugu.

Illu nammineq ilusiligaavoq 2009-mi atulernikuulluni. Illu imermut toqqaannartumik attaveqarpoq, namminerisamik kiassangaavoq oliefyr-imit imikumullu katersuiveqarluni (slamtank). Illu marluinnut avitaavoq, neqitsersuivittut aammalu amernik tigooqqaavittut.

Illu taama ittuutillugu, takuneratut pissusiatigullu tunineqassaaq. Soqutiginnittutut nammineq siunnersuisoqarnissaannik kaammattorneqarput.

Illu pisisussamit tamakkiisumik akisussaaffigineqartumik pigineqalissaaq, taamaallaat immikkoortortami illoqarfiup ilaanut pilersaarummi nalunaarsukkatut malittarisassanit allatullu inatsisaasunit killeqartinneqaannarluni.

Tunisinermut atatillugu aningaasartuutaasussat tamarmik pisisumit akilerneqassapput.

Qaasuitsup Kommunia, Illuutinik ingerlatsivik oqarasuaat 947800 imaluunniit e-mail qaasuitsup@qaasuitsup.gl saaffigalugu isumaqatigiissuteqarnikkut illumik takusaasoqarsinnaavoq.

Allakkatigut neqeroorut, qallunaat koruuniini aalajangersimasumik neqeroorutaasup akianik, kiisalu atermik, najugaqarfimmik aamma oqarasuaatip normuanik/e-mailimik immersungaq tingoreerneqassooq: Qaasuitsup Kommunia, postboks 1023, 3952 Ilulissat, allakkat puuanni matoqqasumi, taamaallaat ”B-1936-imut neqeroorut”  allaffigalugu, kingusinnerpaamik tallimanngorneq 27. maj 2016, nal. 13.00.

Neqeroorutaasoq utertinneqarsinnaanngilaq, piumasaqaatitaqarani nangaassutitaqaranilu.

Neqeroortitsinermi pisinermut akip akiliutigineqarnissaanut qularnaveeqqusiissut aningaasalluunniit illikartereerneqarsimanerat takussutissiorneqassapput.

Inatsisartut Inatsisaat nr. 11, 2. dec. 2009 naapertorlugu Qaasuitsup Kommuniata neqeroorutitut nassiussimasut akornanni aningaasaqarnikkut iluanaarnarnerpaamik neqeroortut salliutissuai taamatullu neqeroorutitut nassiussaasimasut tamaasa itigartitsissutiginissaanut imminut pisinnaatippoq.

Soqutiginnittut immikkut piumasaqaatinik aalleqquneqarput.