Qitiusoqarfiup avataani nunaminertalerisut pillugit ilisimatitsineq

9. maj 2016

Kommunalbestyrelsip aalajangerpaa Qaasuitsup Kommuniani aaqqissuussaaneq inerisarneqaqqissasoq aamma aaqqissuussaaneq nutaamik nalimmassarneqassasoq. Taamaattumik kommunimi sullissiveqarfinni arfineq-pingasuusuni toqqaannartumik nunaminertalerinermik suliaqartoqartalissasoq kommunalbestyrelsip aalajangerpaa.

Sullissivinni arfineq-marlunni sulisut massakkut ilinniartitassagut nassaarisimalereerpagut.

Tallimanngorneq 6.maj-imiit sisamanngorneq 26.maj 2016 ilanngullugu ilinniartitsisoqassaaq.

Nunaminertalerineq ilinniagaq aallaavigalugu pitsanngorsarniarneqarpoq aamma eqaallisarniarneqarpoq.

Piffissaq ilinniartitsiviusoq sivisulaartussaammat neriuppugut suleqataasunit paasineqarsinnaassalluta.

Qaasuitsup Kommunia, ulloq 6. maj 2016