KALAALIMINEERNIARFIK TUNINIAGAQ

9. maj 2016

Matumuuna Qaasuitsup Kommuniata tuniniarpaa Kalaalimineerniarfik B-1377, Ilulissat, tamanut ammasumik, 1. august 2016-mi imaluunniit isumaqatigiissuteqarluni tiguneqartussanngorlugu.

Illu kommunip kalaalimineerniarfigaa ullumikkullu kommunimit ingerlanneqarluni. Illu 1991-mi sanaajuvoq piffissap ingerlanerani allilerneqarnikuulluni. Imermut kuuffissuarnullu toqqaannartumik ataneqarpoq.

Illu namminerisamik kiassartuuvoq. Illu taama ittuutillugu, takuneratut pissusiatigullu itsillugu, pisattallu nuunneqarsinnaasut ilanngullugit tunineqassaaq. Soqutiginnittutut nammineq siunnersuisussaminik sulisussarsiornissaanik kaammattorneqarpoq 

Neqerooruteqarnermi ilanngunneqassooq kalaalimineerniarfiup siunissami ingerlanneqarnissaanut pilersaarut. Kalaalimineerniarfik immikkuullaarittuummat pisisup siunissami allanut tuneqqissinnaassanngilaa, pisisumillu tuniniaqqinneqalissangaluarpat Qaasuitsup Kommunia kalaalimineerniarfup utertillugu pisiareqqinnissaanut siulliutinneqassooq.

Illu pisisussamit tamakkiisumik akisussaaffigineqartumik pigineqalissaaq, taamaattoq ingerlatsinissamik pilersaarut tunaartarineqassalluni, piumasarineqassallunissaaq kalaalimineerniarfiup tuniniaavittut atuuffia ingerlatiinnarneqassasoq, pisisussallu tuniniaavittut periuseq ineriartorteqqissinnaalluarpaa. Immikkoortortami illoqarfiup ilaanut pilersaarummi nalunaarsukkatut malittarisassanit allatullu inatsisaasut malinneqassapputtaaq.

Tunisinermut atatillugu aningaasartuutaasussat tamarmik pisisumit akilerneqassapput.

Qaasuitsup Kommunia, Illuutinik ingerlatsivik oqarasuaat 947800 imaluunniit e-mail qaasuitsup@qaasuitsup.gl saaffigalugu isumaqatigiissuteqarnikkut illumik takusaasoqarsinnaavoq.

Allakkatigut neqeroorut, qallunaat koruuniini aalajangersimasumik neqeroorutaasup akianik, kiisalu atermik, najugaqarfimmik aamma oqarasuaatip normuanik/e-mailimik immersungaq tingoreerneqassooq: Qaasuitsup Kommunia, postboks 1023, 3952 Ilulissat, allakkat puuanni matoqqasumi, taamaallaat ”B-1377”-imut neqeroorutaaneranik allaffigalugu, kingusinnerpaamik tallimanngorneq 27. maj 2016, nal. 14.00.

Neqeroorutaasoq utertinneqarsinnaanngilaq, piumasaqaatitaqarani nangaassutitaqaranilu.

Neqeroorutip tunniunneranut ilaliullugu neqeroorutip akilersinnaassusaa takussutissiorneqassooq.

Inatsartut Inatsisaat nr. 11 2. dec. 2009 naapertorlugu Qaasuitsup Kommuniata neqeroorutitut nassiussimasut akornanni aningaasaqarnikkut iluanaarnarnerpaamik neqeroortut salliutissuai taamatullu neqeroorutitut nassiussaasimasut tamaasa itigartitsissutiginissaanut imminut pisinnaatippoq.

Soqutiginnittut immikkut piumasaqaatinik aalleqquneqarput.