Qeqertarsuup illoqarfiata avannaatungaani nunaminertamik atorneqanngitsumut

Qaasuitsup Kommuniani kommunalbestyrelsi aalajangerpoq Aappilattumi umiarsualiveqarfiup eqqaani nunaminertaq sanaartorfigineqanngitsoq nutaaq pilersaarusiamik tunngaveqarluni qinnutigineqarsinnaasoq allagarsiilluni nalunaarutiginiarlugu
9. maj 2016

Aappilattumi aalisakkerivimmik ataatsimik pilersitsinissaq sioqqullugu tunngaviusumik pilersaarusiornissaq siunertaralugu pilersaarutitut siunnersuut allagarsiunniarlugu kommunalbestyrelsi aalajangerpoq. Allagarsiussineq una inatsisartut inatsisaar nr. 34 9.december 2015-imeersoq naapertorlugu suliarineqarpoq.

Nunaminertaq sanaartorfigineqanngitsoq
Nunaminertaq umiarsuliveqarfimmut attuumassuteqartussatut immikkoortitaavoq, uani aalisakkerivimmut ataatsimut attuumassutussaassalluni.

Ilutigalugu pilersaarutitut siunnersuutaasinnaasut tamakkerlutik saqqummiunneqassasut nalunaarutigineqassaaq.

Pilersaarutitut siunnersuutaasinnaasut nunaminertamik atuisinnaanermik qinnuteqaatit NunaGIS aqqutigalugu imaluunniit najukkami sullissivimmut qinnuteqaatip immersugassaanik ataatsimik alleriarluni immersuisoqarsinnaavoq. Inuk ataaseq imaluunniit suliffeqarfik ataaseq, ataasiinnavittut aamma inatsisit malillugit ataasiinnavittut saqqummisoq, qinnuteqaammik ataasiinnarmik nassiusisinnaavoq. Qinnuteqaatit tamakkerlutik, uppernarsaatitai nassiunneqarsimasut aallaavigalugit, nalilersorneqassapput. Nunaminertamut sanaartorfissamut qinnuteqaatit assigiimmik pitsaassusillit tiguneqarsimassappata kommuni makitsissaaq.

Qinnuteqaatit tamarmik makkunannga imaqassaaq:

1. Titartaganngorlugu siunnersuut, sanaartukkap inissisimaffissaanik, isikkussaanik atortussaatalu nassuiaatitai ilanngullugit.

2. Sumut atorneqarnissaanik paasissutissat.

3. Teknikkikkut ikkussugassat paasissutissartai.

4. Aningaasaqarnerup paasissutissartai, qinnutigineqartup piviusunngortinneqarsinnaaneranik uppernarsaasut.

Piffissaliussat aamma sammisassat pilersaarutaat:

04.05.16: Nal. 09:00-miit nunaminertat atorneqarsinnaanerinut qinnuteqaatit aaneqarsinnaalissapput

17.06.16: Nal. 16:00 nunaminertamik atuisinnaanermut qinnuteqaatit tigooqqarneri matuneqassapput.

Tamatuma kingorna nunaminertaq sanaartorfigineqanngitsoq suli atorneqarsimassanngippat nunaminertamik atuisinnaanermut qinnuteqaatit sukkulluunniit qinnutigineqarsinnaassapput.

Ilitsersuut

Siunnersuutit ilitsersuutillu Pilersaarusiornermut immikkoortortaqarfimmut oqarasuaat: 947800 imaluunniit mail-imut: plan@qaasuitsup.gl. saaffiginnilluni pissarsiarineqarsinnaapput.