B-31 INGERLATSISUSSARSIORNEQARPOQ

28. april 2016

Matumuuna Qaasuitsup Kommuniata B-31, Upernavik, ingerlatsisussarsiuuppaa tamanut ammasumik, 1. juni 2016-mi imaluunniit isumaqatigiissuteqarluni tiguneqartussanngorlugu.

Illu kommunip entreprenør-eqarfittut sullivigivaa ullumikkullu kommunimit ingerlanneqarluni. Illu 1908-mi sanaajuvoq eriagisassiaallunilu, taannalu tunngavigalugu tuniniarneqarani. 

Illu namminerisamik kiassaateqarpoq supoortunillu kiassangaalluni, ukiuuneranilu nillertarluni. Illu taama ittuutillugu, takuneratut pissusiatigullu itsillugu, pisattat nuunneqarsinnaasut ilanngullugit ingerlanneqalissalluni. Soqutiginnittutut nammineq siunnersuisussaminik sulisussarsiornissaanik kaammattorneqarpoq.

Neqerooruteqarnermi ilanngunneqassooq sulliviup siunissami ingerlanneqarnissaanut pilersaarut, naatsorsuutigineqarluni aammalu salliunneqassalluni maannamut sullivittut ingerlanneratut ingerlanneqaqqinnissaa. Ulluinnarni ingerlatsinermi aningaasartuutit attartortumik akisussaaffigineqarlutillu isumagineqassapput, Qaasuitsup Kommunia attartortitsisutut illup timitaa akisussaaffigissallugu.

Illu ingerlannera pisisussamit tamakkiisumik akisussaaffigineqartumik aqunneqalissooq, taamaattoq ingerlatsinissamik pilersaarut tunaartarineqassalluni, immikkoortortami illoqarfiup ilaanut pilersaarummi nalunaarsukkatut malittarisassanit allatullu inatsisaasut malinneqassallutittaaq.

Qaasuitsup Kommunia, Upernavimmi Sanaartornermut Avatagiisinullu ingerlatsivik oqarasuaat 947800 imaluunniit e-mail qaasuitsup@qaasuitsup.gl saaffigalugu isumaqatigiissuteqarnikkut illumik takusaasoqarsinnaavoq.

Allakkatigut neqeroorut, qallunaat koruuniini aalajangersimasumik neqeroorutaasup akianik, kiisalu atermik, najugaqarfimmik aamma oqarasuaatip normuanik/e-mailimik immersungaq tingoreerneqassooq: Qaasuitsup Kommunia, postboks 95, 3962 Upernavik, allakkat puuanni matoqqasumi, taamaallaat ”B-31-imut neqeroorutaaneranik” allaffigalugu, kingusinnerpaamik sisamanngorneq 12. maj 2016, nal. 14.00.

Neqeroorutaasoq utertinneqarsinnaanngilaq, piumasaqaatitaqarani nangaassutitaqaranilu.

Inatsisartut Inatsisaat nr. 11, 2. dec. 2009 naapertorlugu Qaasuitsup Kommuniata neqeroorutitut nassiussimasut akornanni aningaasaqarnikkut iluanaarnarnerpaamik neqeroortut salliutissuai taamatullu neqeroorutitut nassiussaasimasut tamaasa itigartitsissutiginissaanut imminut pisinnaatippoq.

Soqutiginnittut immikkut piumasaqaatinik aalleqquneqarput