PPR Avannaa taarserneqarpoq MISI Avannaa

Qaasuitsup Kommuniata KUF-imi ataatsimiititaliap ataatsimiinnerminni akuersissutigaa kissaatigalugu atimik allannguinissaq
18. februar 2016

Siunnersuisarfik Avannaaniittugut Siunnersuisarfik Avannaa-nit (perorsaanermik tarnillu pissusaa pillugu siunnersuisarfimmit) taaguut ima MISI Avannaa-nik (Meeqqanik Inuussuttunillu Siunnersuisarfik) taaguuteqartikkusullugu kissaateqarpugut. Suliffeqarfiit atuarfeqarfinnik siunnersuisartut taaguutaasa assigiiaartunngornissaannik tamanna pingaarnertut tunngaveqarpoq. Kalaallit Nunaanni kommunit pingasut allat Siunnersuisarfiutaasa taaguutaat MISI-mut allanngortinneqareerput. Ilaqutariit kommunimit allamit kommunimut allamut nuunneranni nuunneq oqinnerulerlunilu paasinarnerulissaaq kommunimi nuuffiup taaguut taaguutigilerutsigu. Suleqatigiinnerulerneq assigiimmillu ingerlaaqatigiinnermik tamanna takutitsissaaq aamma suliniutit aallarteriikkat kommunimi nutaami nangeqqinneqarsinnaanerinik ilisimasaqarnermik kinguneqassalluni. Taassuma saniatigut taaguut PPR danskit oqaasianneersuuvoq, tigussaanngitsorujussuulluni aamma kikkunnik sullissinersugut imaluunniit ikiuinersugut oqaluttuartuunani. Taaguulli MISI atulerutsigu kikkut ikiorsinnaanerlugit erseqqissassavarput (tassa meeqqat inuusuttullu). Kalaallisut taaguuteqalernerup kingunerisaanik nunamut attuumassuteqarnerunitsinnik avammut aamma nalunaarutigissassavaa, taamaalillutalu danskit oqaasiinik aallaaveqarunnaarutta namminersorneruleriartussaassaagut taamaalillutalu Kalaallit Nunaanni pissutsinut immikkutr ittunut nalimmassarsinnaalerulissalluta.