Saattuni inuussutissarsiutinut siunertanut sanaartorfissaq nutaaq

Attaveqaatinut Sanaartugassanut Avatangiisinullu Ataatsimiititaliap kommunimut pilersaarutip tapii nr. 28. akuersissutigai. Kommunimut pilersaarutip tapii tamanut nalunaarutigineqarput 25.02.16, ullorlu tamanna aallarnerfigalugu inatsisigut atuuttuulersinneqassallutik.
26. februar 2016

Nunaminertaq sanaartorfiusinnaasoq sanaartorfigineqanngitsorli nunaminertamik atuisinnaanermut qinnuteqarfigisinnaavat NunaGIS aqqutigalugu aamma kommunip nittartagaa aqqutigalugu qinnuteqarluni immersugassaq aasinnarlugu immersorneqassaaq, uaniittoq: http://www.qaasuitsup.gl. Inummit imaluunniit suliffeqarfimmit ataatsimit qinnuteqaat ataasiinnaq immersoqqusaavoq, inuttut ataasiinnartut allassimasussaq aamma inatsisit malillugit ataasiinnarmik atuarneqarsinnaassaaq. Qinnuteqaatit tamarmik pappiliartaat nassiunneqartut aallaavigalugit nalilersorneqarumaarput. Nunaminertaq sanaartorfissaq qinnuteqartunit arlalinnit assigiimmik akuersivigineqarsinnaatillugu kommuni akuersissummik tunniussisinnaajumalluni makitsisariaqassaaq.

Qinnuteqaatit tamarmik makkunannga imaqassapput:
1. Sanaartugassap ilusissaatut siunnersuut, sanaartukkap inissisimaffissaanik, isikkussaanik atortullu suut atorlugit sananeqarnissaanik nassuiaatitalik.
2. Sanaartukkap sumut atorneqarnissaanik paasissutissat.
3. Teknikkikkut atortut ikkusuunneqartussat pillugit paasissutissat.
4. Aningaasaqarneq pillugu paasissutissat, qinnuteqaatip piviusunngortitsisinnaaneranik uppernarsaatitut atorneqartoq.

Piffissaliussat aamma suliat pilersaarutaat:
25.02.16: Nalunaaqutaq 09:00-miit sanaartorfissani nunaminertamik atuisinnaanermik qinnuteqaatit nassiunneqarsinnaapput.
07.04.16: Nalunaaqutaq 16:00 nunaminertamik atuisinnaanermik qinnuteqaatit tigooqqarneri siullermeertumik matussapput.

Tamatuma kingorna sanaartorfissaq suli sanaartorfigineqarsimassanngippat nunaminertamik atuisinnaanermut qinnuteqaatit qaqugukkulluunniit qinnutigineqarsinnaapput.

Ilitsersorneqarneq

Pilersaarusiornermut immikkoortortaqarfimmut saaffiginnilluni ilitsersuut pissarsiarineqarsinnaavoq, oqarasuaat: 947800,
qarasaasiakkut: plan@qaasuitsup.gl.

 

Link 

http://qaasuitsup.odeum.com/download/kpt_1426_forslag/kpt-28_saa1504-b01_vedtaget_lille.pdf