Qaasuitsup Kommuniani Kultureqarnermut, Atuartitaanermi Sunngiffimmilu pisortaanertut atorfinitsitsinera

Qaasuitsup Kommuniata nuannaarutigalugu matumuuna nalunaarutigissavaa, Sivso Dorph kommunimi Kultureqarnermut, Atuartitaanermut Sunngiffimmullu pisortaanertut 1. april 2016-mi aallarnerfigalugu atorfinitsimmagu.
5. januar 2016

Qaasuitsup Kommuniata qilanaaraa, suliaminik piginnaasaqarluartumik suleqateqalernissaminik, meeqqat inuusuttullu atugaat pillugit kommunimilu ilinniarsimassutsip qaffassarnissanik kivitse-qataasinnaasumik atorfeqartitsilissammat.

Sivso Dorph, Ilinniartitsisut Meeqqat Atuarfianeersut Kattuffianni, IMAK-imi siulittaasutut, ilinniartitsisutut, tatigisaallunilu sulersuisuni assigiinngitsunik suliaqarnermigut ilisimaneqarpoq.

Taamaattumik, Qaasuitsup Kommuniata qamannga pisumik Sivso Dorph kommunimut tikilluaqquaa, kissaallugulu siunissami suleqatigiinnikkut angusaqarluarnissaanik.

Hans Eriksen 

Pisortaaneq

Qaasuitsup Kommunia