Ilulissani qaterisartuaqqat

Tallimanngornerit tamaasa Ilulissat qatserisartoqarfianni annertuumik
sammisaqartitsisoqartarpoq meeqqat 15-20 missaanniittut qulit 15-illu akornanni
ukiullit qatserisartuaqqanut sammisaqartitsinermut peqataaffigisartagaannik. 
18. januar 2016

 Aamma Uummannami ukiuni arlaqartuni qatserisartuaqqatut ingerlasoqareernikuuvoq.

Avatangiisini toqqissisimasuni isumannaallisaanikkullu sillimaffiulluartumiillutik meeqqat qatserisartutut ”piviusumik” suliarineqartartunik ilinniartinneqartarput inunnik pigisanillu nalituunik annaassiniarnermi periutsinik, ikumasunillu qamisaanernik. Qatserisartoqarfiup biilersuisa qatserutit aappaanniit slange-nik siaartiterinerit peqataaffigissallugit soqutigineqaqaaq, inuit maqaasineqartut inini taartuni ujarneqarneri, tummeqqatigut majuarnerit kiisalu annaassiniartartut atortuinik ilinniarnerit sammitinneqartarput.

Unnuk Kulturisiorfik 23. januar 2016 Ilulissani qatserisartuaqqat sunik piginnaaneqarnerlutik pulaartunullu sunik ikiuussinnaanerlutik takutinniarpaat.