Ikuallaaviup nutarterneqarnera Kalaallit Nunaannut eqqiluinnerusumut ikorfartuutaassaq

Kalaallit Nunaanni eqqakkat qanoq passunneqarnissaat pillugu annertuumik ajornartorsiuteqartoqarpoq, tamannalu avatangiisinut assut ajoqutaasorujussuuvoq. Qanoq iliuusissat ilagaat, Kalaallit Nunaannik eqqiluinnerusumik qulakkeerinninniartussaq, tassaasorlu ikuallaaviit arlallit piginnaasamikkut pitsanngorsaavigineqarnissaat avatangiisinullu akornusiisarneranerannik annikillisitsisussaq.
3. december 2015

Ilulissani, annertuumik alliartorlunilu ineriartorfiusumi, illoqarfik ullumikkut ikuallaavik kaajallallugu alliartorsimavoq, kisianni eqqakkanik passusisarneq malinaatinneqarsimanngilaq. Ikuallaaviit ullumikkut EU-p dioxin-it aatsitassallu arrortikkuminaatsut pillugit qummut killissarititai qaangingaatsiarlugit silaannarmut aniatitsisarput, tamannalu peqqissutsimut assut ulorianaateqarpoq.

Massakkut Kalallit Nunaanni ikuallaaviit, tamatumani Ilulissat Aasiaallu ilanngullugit piginnaasamikkut pitsanngorsaavigineqassapput eqqakkat pillugit pilersaarummut nutaamut atatillugu, tamatumani anguniagaalluni ullormut anguniagaq kiisalu EU-p 2024-mi killissarititaa. Titartaasarfik Sweco Danmark, teknikkikkut aningaasalersuiniarnikkullu periarfissanik misissuissaaq avatangiisit eqqarsaatigalugit pitsanngorsaanissaq anguniarneqassappat periarfissaasinnaasunik.

Tamatuma saniatigut Sweco Danmark-ip misissussavaa piginnaasat annertusineqarsinnaanerat, sivisunerusumik piusinnaanerat pitsaanerulersinnaanerallu, siunissami ikuallaaviit eqqarsaatgalugit aaqqiissutaasinnaasut pitsaanersaat angujumallugu.

Takornarissat amerliartuinnartut tikittalerput illoqarfiillu alliartorput

Ukiuni kingullerni takornariaqarneq eqqarsaatigalugu Kalaallit Nunaannut takornariartartut annertuumik amerleriaateqarsimapput, ingasammillu Ilulissanut pinnersumik kangerlulimmut, Kalaallit Nunaanni takornaissanit ornigarneqarnerpaasumut.

”Taamaattumik ikuallaaviit avatangiisit eqqarsaatigalugit pitsanngorsaavigineqarnissaat immikkut pingaaruteqarpoq, eqqakkat amerliartuinnarmata, illoqarfiit alliartorlutillu inuit pigissaarneruleraluttuinnarmata. Tamatumunnga ilagitillugu assut pingaaruteqarpoq takornariaqarnerup ineriartornerata attatiinnarneqarnissaa, massakkut piffinni putsumik akornusersuisoqarpoq, ikuallaaviillu akuutissanik peqqissutsimut ulorianaatilinnik aniatitsisarlutik, ”Johnny Iversen oqarpoq, Sweco Danmark-imi siunnersortinut pisortaasoq.

Ikuallaaviit pitsanngorsaaviginerisigut nunaqarfiit qaninnerusut oqilisaassiffiginiarneqarput, tamakkua massakkumut periarfissatuaraat eqqakkanik qanganitsertumik suleriuseqarluni ikuallaasarneq, tamannalu annertuumik mingutitsinermik kinguneqartarpoq. Tamanna qanoq iliuuseqarfigineqassaaq piginnaasat qaffassarsinnaanerata periarfissaanik misissuinikkut assartuinerullu qanoq ingerlanneqarsinnaanera ilanngullugu, nunaqarfinnit ikuallaavinnut eqqakkanik assartuisinnaasumik.