2016-imut Qaasuitsup Kommuniata missingersuutaa kommunalbestyrelsimit isumaqatigiittumit akuersissutigineqarpoq

Qaasuitsup Kommuniani anngaasaqarnikkut unittooqqaneq isumalluarnartumut nuutinneqarpoq, 2016-imut missingersuutit ukiup naanerani 57 mio. kr.-nik uninngasuuteqartussatut kommunalbestyrelsip isumaqatigiittup akuersissuteqarneratigut.
15. december 2015

Tamanna aalisarnermi tunisat annertunerunerasigut akileraarutitigut isertitat amerleriarnerannik kiisalu nalimmassaanermi aaqqissuussinerup annertusineruneratigut kiisalu suliassaqarfinni arlalinni nalimmassaanerit sipaaruteqarnermik kinguneqartumik pissuteqartumik.

Qaasuitsup Kommuniata 2015-ip qiteqqunnerata missaanili nalunaarutigaa suliassaqarfinni tamani aningaasaqarnikkut tunuarsimaartoqassasoq. Tamanna 2015-ip naanerani naatsorsuutigineqartutut 62 mio. kr.-inik uninngasuuteqarnermik kinguneqarpoq tamatumalu kingunerisaanik 2015-ip naanerani Grønlandsbank-imi akiitsut 5 mio. kr.-inik appartinneqarnissaat aamma kommunalbestyrelsimit aalajangiunneqarluni.

Grønlandsbank-imut akiitsut sinnerisa ukiumoortumik 15 mio. kr.-nik ukiuni tulliuttuni missingersuutinut sinaakkusiorfiusuni akilernissaat pillugu Kommunalbestyrelsi aningaasaqarnermut Naalakkersuisoqarfimmik isumaqatigiissuteqarpoq.

Iluarsartuussinissat aamma suliniutit pisariaqartinneqartut pillugit kommunalbestyrelsimit aalajangiunneqarpoq sanaartornermut missingersuutit 80 mio. kr.-inik qaffanneqassasut ilaatigut Aasianni kiisalu Ilulissani paaqqinniffinnik sanaartornermut atorneqartussanik kiisalu sumiiffinni arlaqartuni atortut aserfallassimasut eqqarsaatigalugit maskinanik taarsersuisoqassalluni.

Aammattaaq makkua pillugit aalajangertoqarpoq: 

  1. Paaqqinniffinni akigititanik appaaneq 3,2 mio. kr.-inik naleqartoq
  2. 1 mio. kr.-it aalisarfiit naqqisa salinneqarnerannut.
  3. 1 mio. kr.-it nunqarfinni ingerlatsinernut
  4. 600.000 kr.-it Qeqertarsuarmi sisorartartut majuartarfiannut
  5. Akileraarut allannguteqanngitsoq

Taamaattumik Qaasuitsup Kommuniata aningaasaqarnikkut ineriartornera ilorraap tungaanut saatinneqarnissaa isumalluarlunga upperaara taamaalilluni nunatsinni aningaasaqarnikkut nammattuunini nangissinnaaniassammagu. Taamaakkaluartorli Kommunip aningaasaatini paarilluartariaqarpai, kommunimilu inuussutissarsiutitigut ineriartornerup siuarsarnissaanut aningaasaliissutit silatusaartumik atortariaqarlugit.


Ole Dorph
Borgmester
Qaasuitsup Kommunia