Katersortarfimmik allilerineq, Ilulissat

Katersortarfimmik B-211-imik, immikkoortortami C17-iittumi, Ilulissat, alliliinissamut sinnersuut, tamanut oqallisissianngorlugu saqqummiunneqarpoq piffissami uani: 16.11.2015-imiit 30.11.2015. ilanngullugu.
16. november 2015

Siunnersuutip periarfississavaa katersortarfiup allilernissaanik kissaateqarneq, illup 6x14 meterimik tallineqarneratigut. Alliliineq illup piusup angissusianut sananeqarneranullu naleqqussarneqassaaq.

Attaveqarnermut, Sanaartornermut Avatangiisinullu ataatsimiititaliap siunnersuut ulluni 14-ini tamanut tusarniutigineqarluni saqqummiunneqarnissaa aalajangiuppaa. Tusarniaanerup ingerlanerani qinnuteqaammut akerliliissutinik pingaaruteqartunik kommuni tigusaqarsimanngippat, qinnuteqaammut nunaminertamik atugassiineq tunniunneqassaaq.

Tusarniaanermi akissuteqaatit kommunimut toqqaannartumik kommunimi pilersaarutip nittartagaa atorlugu nassiussinnaavat. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.

Tusarniaaneq pisortatigortumik ingerlanneqareerpat akerliussutaasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, ta­matumalu kingorna siunnersuut inaarutaasumik akuersissutigineqassaaq.

Tusarniaanermut akerliunissamut pissutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 30.11.2015.