Inissiaqarfiit Qasigiannguani tuniniakkat

Matumuuna Qaasuitsup Kommuniata tuniniarpait inissiaqarfiit Iminnguamiittut B-0751, B-0752 aamma B-0758, Qasigiannguit, tamanut ammasumik, 1. januar 2016-mi imaluunniit isumaqatigiissuteqarluni tiguneqartussanngorlugu.
2. november 2015

Inissiat ilaqutariinnut arlalinnut inissiaapput arfineq pingasunik initallit, inissiaqarfiit pingasunut aggungaasut. Inissiaqarfiit qaarsup qaani 1995-mi aamma 1997-mi sanaajupput. Imermut innaallagissamullu attaviit pilersuivimmiit attaveerneqassapput. Inissiat iggavik/ini, ineeqqat, uffarfik isaariaqarlutik aggungaapput.

Inissiat attartortittakkatut atornikuupput ukiunilu kingullermi kiassarnermut attaveqarnikuunatik.

Inissiat kiassaateqarfimmit attaviivissorneqartussaapput, pisisussallu nammineq isumangisariaqassuaa namminerisamik kiassaateqarfiliinissaq taamatuttaaq kuuffinnut akisussaaffeqaqataanissaq.

Inissiat tunineqassapput taamak itsillugit takuneratuullu. Soqutiginnittutut pisiaqarniartup nammineq siunnersuisussaminik sulisussarsiornissaanik kaammattorneqarpoq.

Inissiat pisisussamit tamakkiisumik akisussaaffigineqartumik pigineqalissapput, taamaallaat immikkoortortami illoqarfiup ilaanut pilersaarummi nalunaarsukkatut malittarisassanit allatullu inatsisaasunit killeqartinneqaannarluni.

Tunisinermut atatillugu aningaasartuutaasussat tamarmik pisisumit akilerneqassapput.

Qaasuitsup Kommunia, Illuutinik ingerlatsivik oqarasuaat 947800 imaluunniit e-mail qaasuitsup@qaasuitsup.gl saaffigalugu isumaqatigiissuteqarnikkut illumik takusaasoqarsinnaavoq.

Allakkatigut neqeroorut, qallunaat koruuniini aalajangersimasumik neqeroorutaasup akianik, kiisalu atermik, najugaqarfimmik aamma oqarasuaatip normuanik/e-mailimik immersungaq tingoreerneqassooq: Qaasuitsup Kommunia, postboks 113, 3951 Qasigiannguit, allakkat puuanni matoqqasumi, taamaallaat ‘Iminnguami Inissiat’ neqeroorutaaneranik allaffigalugu, kingusinnerpaamik tallimanngorneq 27. November 2015, nal. 10.00.

Neqeroorutaasoq utertinneqarsinnaanngilaq, piumasaqaatitaqarani nangaassutitaqaranilu.

Tunisisup akuersinerata kingornatigut kingusinnerpaamik ullut tallimassaanni pisinermut akip akiliutigineqarnissaanut qularnaveeqqusiissut tunniunneqassaaq imaluunniit akiliutigineqarluni.

Qaasuitsup Kommuniata neqeroorutitut nassiussaasimasut tamaasa itigartitsissutiginissaanut imminut pisinnaatippoq.

Ugguuna aajuk.


B-0751 inissiat sisamat 218m² (2 x 69m² og 2 x 40m²)


B-0752 inissiat marluk 110m² (2 x 55m²)

B-0758 inissiat marluk 110m² (2 x 55m²)