Ikerasammi umiarsualivimmi inuussutissarsiorfimmut sanaartorfissaq atorneqanngitsoq

Kommunimut pilersaarummut tapiliussaq nr. 26 Immikkoortup ilaa B01 Ikerasammi inaarutaasumik akuerssissutigineqarpoq ulloq 05.11.2015. Kommunimut pilersaarummut tapiliussaq pisortatigoortumik nalunaarutigineqarpoq ulloq 10.11.2015, ullormiillu tassanngaanniit Kommunimut pilersaarummut tapiliussaq inatsisitigut atuuffeqalerluni.
10. november 2015

Pingaarnertut aamma immikkut ittumik aalajangersakkat nutaat kiisalu inuussutissarsiorfeqarfimmi piusumi aalisakkerivissamut sanaartorfissamik atugassiineq.

Immikkoortortaq IKE 1503-B01-p pilersaarutaa

Sanaartorfissamut atorneqanngitsumu nunaminertamik atugassinneqarnissamik qinnuteqaat

Ilutigitillugu matumuuna nalunaarutigineqassaaq nunaminertanut sanaartorfigineqarsimanngitsunut aalisakkeriviliorfissamut nunaminertamik atuinissamut qinnuteqartoqarsinnaammat.

Nunaminertaq sanaartorfiusinnaasoq sanaartorfigineqanngitsorli nunaminertamik atuisinnaanermut qinnuteqarfigisinnaavat NunaGIS aqqutigalugu aamma kommunip nittartagaa aqqutigalugu qinnuteqarluni immersugassaq aasinnarlugu immersorneqassaaq. Inummit imaluunniit suliffeqarfimmit ataatsimit qinnuteqaat ataasiinnaq immersoqqusaavoq, inuttut ataasiinnartut allassimasussaq aamma inatsisit malillugit ataasiinnarmik atuarneqarsinnaassaaq. Qinnuteqaatit tamarmik pappiliartaat nassiunneqartut aallaavigalugit nalilersorneqarumaarput. Nunaminertaq sanaartorfissaq qinnuteqartunit arlalinnit assigiimmik akuersivigineqarsinnaatillugu kommuni akuersissummik tunniussisinnaajumalluni makitsisariaqassaaq.

Qinnuteqaatit tamarmik makkunannga imaqassapput:
1. Sanaartugassap ilusissaatut siunnersuut, sanaartukkap inissisimaffissaanik, isikkussaanik atortullu suut atorlugit sananeqarnissaanik nassuiaatitalik
2. Sanaartukkap sumut atorneqarnissaanik paasissutissat
3. Teknikkikkut atortut ikkusuunneqartussat pillugit paasissutissat
4. Aningaasaqarneq pillugu paasissutissat, qinnuteqaatip piviusunngortitsisinnaaneranik uppernarsaatitut atorneqartoq

Ullormiit 10.11.2015 nal. 09:00 ulloq 22.12.2015 nal. 15:00 tikillugu, nunaminertamik atugassinneqarnissamik qinnuteqaatit nassiunneqarsinnaapput.

Tamatuma kingorna sanaartorfissaq suli sanaartorfigineqarsimassanngippat nunaminertamik atuisinnaanermut qinnuteqaatit qaqugukkulluunniit qinnutigineqarsinnaapput.

Ilitsersorneqarneq
Pilersaarusiornermut immikkoortortaqarfimmut saaffiginnilluni ilitsersuut pissarsiarineqarsinnaavoq, oqarasuaat: 94 78 00, qarasaasiakkut: plan@qaasuitsup.gl.