Putsumut malussarniut kalerrisaarut inuunermik annaassisarpoq

Ikuallattoqaleraangat pujoq sukkasuumik siaruaattarpoq, putsumut malussarniutip kalerrisaassavaatit piffissaagallartillugu qisuariarsinnaalersillutit.
5. oktober 2015

Putsumut malussarniutinik ikkussuisimaguit siusissukkut kalerrisaarneqarnissat innerullu siaruaatinnginnerani iliuuseqarsinnaanernut periarfissarinnerulissaatit. Ikuallanneq illit nammineq qamissallugu imaluunniit imminut isersimasunullu allanut annannissamut periarfissarinnerulissaasi inigisassi qimapallannissaanut aammalu annaassiniartartunut kalerriipallannissamut. Taamaalilluni putsmut kalerrisaarutip inuunermik pigisanillu nalituunik annaassinissaa anguneqarsinnaavoq.

Suli amerlanerusut putsumut kalerrisaarusersuinissamut periarfissaqaqqullugit Qaasuitsup Kommuniata Annaassiniartartutut Upalungaarsimasuinit putsumut kalerrisaarutit immikkut samminiarpai sapaatip akunnerani 42-mi
Innuttaasut inersimasortaasa amerlanerpaat ilisimaarivaat putsumut kalerrisaarutit ikuallattoornissamut kalerrisaarutitut akikillutillu pisariitsuusut, taamaakkaluartorli ukiut tamaasa inunnik arlalinnik ikuallannerup nalaani putsmik najuussuinerup kinguneranik ajunaartoqartoqartuarpoq.

Inuusuttut initaaqqammersillugit putsumut kalerrisaarutit atugaannginnerpaajupput, aammali utoqqarpassuit putsumut kalerrisaaruteqanngillat.

Qaasuitsup Kommuniata Annaassiniartartutut Upalungaarsimasuisa sapaatip akunnerani 42-mi kommunip illoqarfiini nunaqarfiinilu tamani putsumut kalerrisaarutit atugaanerulernissaat ikuallattoornermilu periusissatut ilitsersuutit pillugit naqitaaqqanik quppersakkanik agguaassiniarput.




Putsumut kalerrisaarut pillugu apeqqutit pingasut eqqortumik akikkit, putsumillu kalerrisaarummik pinnatassalimmi unammeqataallutit pinnagit
Naqitaaqqatut quppersagaaqqamut ilaatillugu unammissutissamik peqarpoq inuit qulit eqqortumik akisimasut putsumut kalerrisaarummik makitsinikkut pinnatassaqarlutik.

Eqqaamajuk putsumut malusarniut qilaamut ivertinneqassammat, batteriialu pisariaqalersillugu taarserneqartassammat!
Putsumut kalerrisaarutit arlallit 9Voltimik battereeqartarput, ilutsillu allat nalunaaqutaaqqap batteriissaatut ammalortumik peqarlutik, putsumulli malussarniutit sumi sanaajuneri apeqqutaatinnagit batteriia taarsigassanngoraangat tamatigut nipiliortumik tutsiuttoqartarpoq.

Utoqqaat innarluutillillu arlallit putsmut malussarniummik pisaarnissartik qilaamullu nivinngarnissaanut ilaquttanit ikinngutinilluunniit ikiortigisinnaasaminnik kiisalu batteriimik taarsiinermi ikiortissamik amigaateqartarput.

Putsumut kalerrisaarut uumaannarnisamut sillimmasiutit akikinnerpaartaraat!
Inuusuttuugaluaruit, utoqqaaguit tamakkuluunniit akornanni ukioqqortussuseqaruit apeqqutaatinnagu angerlarsimafferni arlariinnik putsumut kalerrisaarusersuineq isumatusaarnerussaaq. Putsumut kalerrisaarut ikuallannaveersaartitsineq ajorpoq, arlalippassuillu kukkullutik isumaqartarput unnuami ikuallattoqalerpat itersinnaallutik, kisiannili ikuallattoqaleraangat inuunermi pisariaqartilluinnagarput silaannaap ilt-itaa gassinik toqunartunik taarsersorneqalersarpoq najuussorlugu aallartitassatsinnik.

Putsumut kalerrisaarummik eqqortumik ivertisimasumik aserfallatsaalisamillu peqaruit ikuallattuulernermi piffissaagallartillugu kalerrisarneqassaatit. Siusissukkut qisuariarnissarnut periarfissarinnerutissavaatit, inneq nammineerlutit qamissinnaaqqullugu imaluunniit imminut allanillu annaassinissamut piffissaqarnerutillutit aammalu annaassiniartartutut upalungaarsimasunut kalerriilertornissamut periarfissillutit.