Allagarsiussaq suliariumannittussarsiorneq

Matumuuna Qasigiannguit illoqarfianni eqqaavilerineq suliariumannittussarsiuullugu tamanut allagarsiunneqarpoq.
16. oktober 2015
Neqerooruteqartitsinermi, neqerooruteqarnissamut atugassarititaasut:
  • Neqeroorusiornermi (Neqerooruteqartitsinermi Allaaserisami aamma Suliassat immikkut Allaaserineqarneri) Sanaartornermut Avatangiisinullu Ingerlatsivimmit 16. oktobari 2015-imi suliarineqartut atuutsinneqassapput.
Suliassat eqqaavilerinermut tunngasuupput.

Neqeroorusiornermut atatillugu aningaasartuutigineqartut tamarmik neqerooruteqartumit akilerneqassapput.

Allakkatigut neqeroorusiortoqassaaq qallunaat aningaasai malillugit neqeroorutip aningaasartassai taggillugit aammalu ateq najugaq oqarasuaatillu normua imaluunniit suliffeqarfiup e-mailia allallugit, uunga tunniunneqassaaq: Qaasuitsup Kommunia, Qasigiannguani immikkoortortaq, Sanaartornermut Avatangiisinullu Ingerlatsivik kingusinnerpaamik: Tallimanngorneq 30. oktobari 2015-imi nal. 10:00.

Neqeroorut allakkap puussaanut poorlugu tunniunneqassaaq, imatut ilisarnaaserlugu: ”Neqeroorut – Allakkanik agguaasartumit ammarneqassanngilaq: Qasigiannguani eqqaavilerineq”.

Neqerooruteqarneq pituttorsimavoq, piumasaqaatitaqassanani allanngortinneqarsinnaananilu.

Neqeroorutit tamanna kissaatigineqarsimappat, neqerooruteqartut najuunneranni ammarneqassapput, Qaasuitsup Kommunia neqerooruteqartut akornanni toqqaasinnaatitaavoq imaluunniit tamaasa itigartillugit.

Inussiarnersumik inuulluaqqusillunga
Qaasuitsup Kommunia

Sanaartornermut Avatangiisinullu Ingerlatsivik
Qasigiannguani immikkoortortaq