Upalungaarsimasunut SMS-ikkut kaleriineq

Upalungaarsimasunut 113 atorlugu kalerriineq kalerriisumut oqalussinnaanermik piumasaqaateqarpoq, inuit tusaaniarnikkut imaluunniit oqalunniarnikkut ajornartorsiuteqartut taamaalillutik 113 atorsinnaanngilaat.
15. september 2015

Qaasuitsup Kommuniani Upalungaarsimasut september 2015-imi aaqqiissutissamik atuutsitsilerpoq taamaalilluni kommunimi innuttaasut tusaaniarnikkut imaluunniit oqalunniarnikkut ajornartorsiuteqartut Upalungaasimasunut SMS atorlugu kalerriinissamut periarfissaqalerlutik, kiisalu kommunimi Innarluutilinnut immikkoortortaqarfik suleqatigalugu kalaallisut kiisalu danskisut naqinneqarsimasumik quppersagaaqqamik upalungaasimasut qanoq kalerrinneqarsinnaanerinik nassuiaammik saqqummiisoqarluni.

Quppersagaaqqami SMS atorlugu kalerriinermi oqarasuaatip angallattakkap normua quppersagaaqqami ilisimatitsissutigineqarpoq.

SMS atorlugu ikuallattoqarneranik kalerriineq pippat illoqarfinni nunaqarfinnilu upalungaarsimasuni naalagaasaq/qatserisartut ittuat oqarasuaat atorlugu attavigineqassaaq.

SMS-ikkut kalerriinermi normu atugassaq quppersagaaqqami inunnut qulaani pineqartunut tunniunneqassanngilaq. Qulaani pineqartunut apeqqutissaqartoqarpat ikiuutikutsoorsinnaavugut. 

Attaavissat:
Upalungaarsimasut Pisortaat Bjarne Gregersen
Mobil: +299 58 91 88
E-mail: bgr@qaasuitsup.gl