Kangia pillugu Ilisimasaqarfiup nutaap ilusissaa unammissutigineqassaaq

Europamiut illussanik titartaasartut arlallit kiisalu japanimi titartaasartoqatigiit ataatsit Kalaallit Nunaanni Ilulissani Kangia pillugu Ilisimasaqarfiup qanoq isikkoqarnissaa pillugu maanna siun-nersuutiminnik saqqummiissaapput.
18. september 2015

Titartaasartoqatigiit Island-imeersut, Danmark-imeersut, Japan-imeersut, Tyskland-imeersut, Norge-meersut kiisalu Klallallit Nunaannersut Ilulissat illulissallu kangerluata eqqaani naapittarfik kiisalu ilisimasanik ingerlatitseqqittarfik pillugu illuliornermi ilusilersuinissamut takorluukkatik maanna eqqarsaasersuutigilereertussanngorpaat. Ilisimasaqarfik sumiiffimmi asseqanngitsumi inissisimasoq UNESCO-p nunarsuarmioqatigiit kingornussassaattut allassimaffianut ilanngunneqarsimasoq Qaasuitsup Kommuniata, Kalalliit Nunaanni Namminersorlutik Oqartussat kiisalu Realdania-p suleqatigiinnerisigut sananeqartussanngorpoq.

Titartaasartoqatigiit arfinillit siunnersuutiminnik saqqummiisussat tassaapput:

  • Arkís, Island
  • Dorte Mandrup Arkitekter/Avannaa/Kristine Jensen, Danmark/Grønland
  • Kengo Kuma and Associates, Japan
  • Rintala Eggertsson Architects, Norge
  • Snøhetta, Norge
  • Studio Other Spaces v. Olafur Eliasson aamma Sebastian Behmann, Tyskland

Titarsaasartoqatigiit taakku arfinillit oktoberip qaammataanni Ilulissanut tikissapput sanaartorfissarlu takuniarlugu, taamaalillutik suliassamut naammassinninniarnissamut piareersimaniassammata. Titartaasartunik unammisitsinermi ajugaasoq pilersaarutit malillugit 2016-imi junimi pisortatigoortumik saqqummiunneqasssaaq.                              

Qaasuitsup Kommuniani Borgmester Ole Dorph ima oqarpoq:
” Ilulissanut kiisalu Qeqertarsuuup tunuanut suli ullumikkorniit annertunerusumik kajuminnarnerulersitsisussamik – taamaalillunilu takornariaqarnerup siuariartortinneqarnissaanut kissaateqarnermut tapertaasussamik Kangia pillugu Ilisimasaqarfissamik pilersitseqataanissamut soqutiginninnerujussuaq nuannaarutigaarput.”

Kalaallit Nunaanni Inuussutissarsiutit, Suliffeqarneq kiisalu Nunanut allanut Tunngassuteqartunut pillugit Naalakkersuisoq, Vittus Qujaukitsoq ima oqarpoq:
” Ukiaanerani ataatsimiinnissami takornariaqarneq pillugu periusissami nutaami Naalakkersuisunit saqqummiunneqartussami suliniut Kangia pillugu Ilisimasaqarfik tikeraanut ilisimasanik ingerlatitseqqittaarfiit arlaqartut pilersinneqartussat siulliit ilagissavaat . Taamaammallu killiffik pissanganartorujussuuvoq taamaalillutik titartaasartut ilisimasaqarfiup isikkussavia sulissutigisinnaanngussammassuk.”

Realdaniami Pisortaaneq, Jesper Nygård:
”Tassa maannakkut titartaasartut tusaamaneqarluartut kangerluup eqqaralaannguani Ilisimasaqarfik qanoq inissinneqarsinnaanersoq pillugu siuunersuutiminnik saqqummiissapput. Inissisimaffik pinngortitami asseqanngilluinnartumiippoq, taamaattumillu Ilisimasaqarfik pinngortitaq avatangiisillu ataqqilluinnarlugit inissisimaffimmini pilersinneqassaaq.”

Kangia pillugu Ilisimasaqarfik
Ilulissat Kangerluat UNSCO-p nunarsuarmioqatigiit kingornussassaattut allassimaffiannut ilanngunneqarnikuuvoq, taamaattumillu Ilisimasaqarfiup nunarsuarmioqatigiit kingornussassarsiannut suli annertunerusumik naleqalersitsinissaata saniatigut sumiiffimmi aamma suliffeqarfik pissangarnartutut pilerinartutullu inissisimasoq pilersinneqassaaq. Ilisimasaqarfiup kangerlummut kiisalu Ilulissanut takornariaqarfittut ukiumut 17.000-nit takuniarneqartartussatut ilimagineqarmat annertuumik isumalluarnartutut nalilerneqarpoq.

Tikinnermi katersuuttarfissaq- kiisalu ilisimasanik ingerlatitseqqiisarfissaq nutaaq aamma najukkami innuttaasunut kiiisalu nunat tamalaat akornanni silap pissusaanut ilisimatuunut, naalagaaffiit siuttuinut kiisalu allanut Ilulissanut akuttunngitsumik tikeraartartunut naapittarfittut atorneqassaaq. Ilisimasaqarfik illoqarfiup kangerluullu akornanni piffimmi inissinneqassaaq – inissiiffissaq imaannaanngitsoq, nunarsuarmi silaannaap allanngoriartornerata kingunerisaanik takussutissiilluartoq. Pineqartup oqaluttuarisaanera, ineriartornera kiisalu pingaarutaa Ilisimasaqarfiup ingerlateqqittassavai – ilaatigullu silaannap allanngoriartornerata sunniutai pillugit oqalutttuarisaaneq oqalutttuarisassallugu. Ilisimasaqarfiup sananeqarnerata saniatigut ilisimasaqarfiup kiisalu illoqarfiup akornanni pisuinnaat aqqutaanik nutaamik pilersitsisoqassaaq.

Piffimmi pinngortitamut ataqqinninneq kiisalu ataqatigiissitsineq eqqarsaatigalugit sanaartukkap angivallannginnissaa siunniunneqarpoq. Ilutigitillugu pilersinniarneqarpoq sanaartugaq titartarneqarnermigut saqqummiunneqarnermigut kiisalu nunarsuarmioqatigiinnut nallersuuttoq Ilulissat takornariaqarfittut inissisimaneranut ikorfartuisoq.

Attavissat
Inuussutissarsiornermut, Suliffeqarnermut, Niuernermut kiisalu Nunanut allanut Naalakkersuisoq Vittus Qujaukitsoq, Naalakkersuisoqarfimmi pisortaq Jørn Skov Nielsen aqqutigalugu, +299 34 50 00
Borgmester Ole Dorph, Pisortaaneq Hans Eriksen aqqutigalugu, +299 94 78 02
Realdania-mi Pilersaarusiornermut pisortaq, Lars Autrup, +45 29 69 52 12

Assiliisoq: Piginnittoq: Dansk Bygningsarv
Assiliisoq: Piginnittoq: Dansk Bygningsarv