Ikummatissat qaffappata Qaasuitsup Kommuniata aningaasaqarniarnera tunngaviatigut qajannarnerulissaaq

Ikummatissat akiinik qaffaaniarneq, Aningaasaqarnermut Inatsisissap 2016-imut atatillugu, avaleraasartoorniarnerup iluatinngitsinneranik patsiseqartinneqartumik, Naalakkersuisunit akinik qaffaaniarnerat pilersaarutigineqartoq, Qaasuitsup Kommuniata aningaasaqarniarnerata ilungersunartorsiorfigereersup, aningaasaqarniarnerup ilorraap tungaanut suliniarnerigaluanut tunngaviatigut qajannarsaassaaq
22. september 2015

Ikummatissat akiinik qaffaaniarnermi inuit avannaani isertitakitsunut kiisalu aalisartunut piniartunullu nunatta isertitaatigut annertuumik pilersuieqataasunut eqquissaaq.

Qaasuitsup Kommunia akerlianik isumaqarpoq, Namminersorlutik Oqartussat aaqqissuussaanerannik aningaasartuutikillisaanikkut, ineriartortitsinissamut aningaasanik nassaarniarsinnaasoq soorlu Qaasuitsup Kommunia taama iliortariaqartoq.

Taanna pisinnaanngippat, kommunimiit tikkuarumaneqarpoq, nunatta aningaasatigut ajornannginnerusumik isaatitsiffiginerulersinnaasaanik periarfissaq isitta saavaniitoq, tassalu Naalakkersuinikkut isumaqatissarsiornikkut Ilulissani timmisartoqqarfiup allilerneratigut takornariaqartitsinikkut annertuumik aningaasanik isaatitsinerulernikkut  ineriartortitsinissamut aningaasanik isertikkumaagassanik pissarsinissaq. Ukiuni aggersuni tamanna suliffinnik amerlanerusunik pilersitsissaaq nunatta sinneranut tuniluuttussamik.

Qaasuitsup Kommuniata maluginiarpaa, takornariartitsisartut nunatta avataaneersut annertusiartuinnartumik nunatsinnut tikisitsisalersut nunatsinnut tamakkiisumik iluaqutiginqanngitsumik.  Taamaattumik tuaviornarsivoq, Ilulissani timmisartoqarfiup allilerneqarsinnaaneranik oqaluuserisassaq isummerfigissallugu. Sunami alla periarfissaava?

Ole Dorph

 

Borgmesteri

Qaasuitsup Kommunia