Uummannami illoq tuniniagaq

Qaasuitsup Kommuniata tuniniarpaa illu B 241, 3961 Uummannaq tamanut ammasumik, 15. oktober 2015-mi imaluunniit isumaqatigiissuteqarnikkut tiguneqartussanngorlugu.
9. september 2015

Illu 1967-mi sananeqarpoq, illu taama ittuutillugu pissusiatigullu tunineqassaaq. Tunisinerup kingorna tunisisoq akisussaaffimmik peqassanngilaq. Soqutiginnittutut pisiaqarniartup nammineq siunnersuisussaminik sulisussarsiornissaanik kaammattorneqarpoq. 

Illu pisisussamit pituttungaanngittumik pigineqalissaaq, taamaallaat immikkoortortami illoqarfiup ilaanut pilersaarummi nalunaarsukkatut malittarisassat allatullu inatsisinit killeqartinneqaannarluni.

Eqqaasissutigineqassaaq illumik pisinermi naafferaalluni akilersuisoqassanngimmat.

Tunisinermut atatillugu aningaasartuutaasussat tamarmik pisisumit akilerneqassapput.

Qaasuitsup Kommuniani Uummannami Teknikkimut- avatagiisinullu immikkoortoqarfimmi allaffik oqarasuaat 947800 imaluunniit e-mail uummannaq@qaasuitsup.gl  saaffigalugu isumaqatigiissuteqarnikkut illumik takusaasoqarsinnaavoq.

Allakkatigut neqeroorut, qallunaat koruuniini aalajangersimasumik neqeroorutaasup akianik, kiisalu atermik, najugaqarfimmik aamma oqarasuaatip normuanik/e-mailimik nalunaaqutsigaq tingoreerneqassooq: Qaasuitsup kommunia, postboks 200, 3961 Uummannaq, allakkat puuanni matoqqasumi, taamaallaat ”B 241 Uummannaq”  neqeroorutaaneranik allaffigalugu, kingusinnerpaamik ataasinngornermi  28. september 2015.

Neqeroorutaasoq uterteqqinneqarsinnaanngilaq, piumasaqaatitaqarani nangaassutitaqaranilu.

Tunisisup akuersinerata kingornatigut kingusinnerpaamik ullut tallimassaanni pisinermut akip akiliutigineqarnissaanut qularnaveeqqusiissut tunniunneqariissaaq imaluunniit akiliutigineqarluni.

Illu neqeroortumut akisunerpaamut, piumasarisanut naapertuuttumut tunineqassaaq. Qaasuitsup Kommuniata neqeroorutitut nassiussaasimasut tamaasa itigartitsissutiginissaanut imminut pisinnaatippoq.