Qaasuitsup Kommuniani qimmiliveqarneq pillugu kiisalu piffiit qimmiliviusut pillugit tusarniaanerup

Qimmeqarneq pillugu ileqqoreqqusaq kiisalu Kommunimut pilersaarutip tapia nr. 24 tusarniaassutigineqassaaq ulloq 17.11.2015. tungaanut. Piffissami tamatumani innuttaasut kikkulluunniit, peqatigiiffiit il.il. akerliunerminnik, oqaaseqaatinik kiisalu allannguutissatut siunnersuutinik saqqummiisinnaapput.
22. september 2015

Kommunimut pilersaarutip tapissaanut nr. 24-imut siunnersuummi Qaasuitsup Kommuniani illoqarfinni nunaqarfinnilu pifiit qimmilivissatut inissiivissat saqqummiunneqarput. Kommunimut pilersaarutip tapiata siunertaraa nunaminertanik qimmilivinnut atugassianik tikkuussissalluni nunaminertallu sanaartorfiineqannginnissaannik oqariartuuteqassalluni, taamaaliornikkut siunissami nunaminertanik akuersissuteqartarnermi qimmilivinnut nunaminertanik atugassaqartitsinissaq qulakkeerneqaqqullugu. Kommunimut pilersaarutip tapia ilaatigut illoqarfiit nunaqarfiillu kiisalu qeqertat pillugit nunap assinginik qimmilivittut aalajangersaavigineqarsimasunik imaqarpoq.

Qimmeqarneq pillugu ileqqoreqqusaq imaqarpoq, Qaasuitsup Kommuniani akuerisaasumik qimmeqarnissaq pillugu aalajangersakkanik.

Ileqqoreqqusami aalajangersaavigineqarsimapput qimmit nappaataat akiorniarlugit kapitittarnernut aalajangersakkat piumasaqaateqarnerlu aammalu ilisarnaasersuisarneq, piffiit qimmiliviit, qimmiliviit ilusilersorneqarsimanerat, qimminik paarsisarneq kiisalu qimminik pituttuisarneq pillugit aalajangersakkanik.

Tusarniaanermi akissuteqaatit kommunimut toqqaannartumik kommunimi pilersaarutip nittartagaa atorlugu nassiussinnaavat. Aamma tassani ilanngussassatit kakkiussinnaavatit. Taamaattorli suli akissuteqaatit najukkanni Sullissivimmut imalunniit Kommunimut nassiussinnaavat.