Tusarniaaneq: Immikkoortortaq A06, Mittarfiup kitaani najugaqarfik, Upernavik

Kommunimut pilersaarummut tapiliussaq nr. 25 Upernavimmi immikkoortortamut A06-mut atuuttoq tamanit oqallisassianngorlugu piffissami uani saqqummiunneqarpoq: 03.07.2015-imiit 14.08.2015 ilanngullugu.
3. juli 2015

Upernavimmi nutaanik inissianik sanaartorfissaalatsineq aallaavigalugu kommunimut pilersaarutip tapia suliarineqarpoq. Illoqarfimmi inissiaqarfitoqqat ukiut ingerlanerini ulikaariartorsimapput aamma nutaamik ineriartortitsinissamik periarfissat tunngaviusumik pilersaarutaat amigaataalersimapput.

Taamaattumik immikkoortortaq A06, mittarfiup kitaani nunaminertaq sanaartorfigineqarnikuunngitsoq aamma nunaminertaq tamanna illoqarfiup qeqqanut qanittunik ineriartortiteqqinnissamut tulluartorujussuaq, sanaartornissamut pilersaarusiorfiginerpoq.

Kommmunimut pilersaarummut tapiliussaq sapaatip akunnerini arfinilinni sivisussuseqartumik tusarniutigineqassaaq. Piffissami tassani kikkulluunniit – innuttaasut, suliffeqarfiit, ingerlatsiviit, peqatigiiffiit allallu – akerliunerminnik, oqaaseqaatinik kiisalu allannguutissatut siunnersuutinik saqqummiussaqarsinnaapput.

Tusarniaanermi akissuteqaatitit kommunimut toqqaannartumik kommunip pilersaarutaata nittartagaa aqqutigalugu allassinnaavatit (www.qaasuitsup.kommuneplania.gl). Tassani ilanngussassatit aamma kakkiussinnaavatit. Taamaattorli akissuteqaatitit najukkarni Sullissivimmut imalunniit Kommunimut nassiussinnaavat.

Pisortatigortumik tusarniaasoqareerpat akerliulluni oqaaseqaataasinnaasut imaluunniit allannguutissatut siunnersuutaasinnaasut kommunalbestyrelsimit suliarineqassapput, tamatumalu kingorna siunnersuut inaarutaasumik akuerineqassaaq.

Tusarniaanermut akerliullutit nalunaarutissaqaruit imaluunniit oqaaseqaatissaqaruit, taakku kingusinnerpaamik kommunimit tiguneqareersimassapput ulloq 14.08.2015.

Konmmunimut pilersaarummut tapiliussaq nr. 25 uani aasinnaavat.

Qaasuitsup Kommuniata pilersaarusiornermut immikkoortortaqarfianut saaffiginnilluni siunnersuut pissarsiarineqarsinnaavoq.