Ilulissat sanaartornermut illoqarfiullu ilaanut pilersaarusiornermut pisortaq

Sanaartornermut illoqarfiullu ilaanut pilersaarusiornermut fagchefitut atorfik 1.februar 2018-imi imaluunniit isumaqatigiissuteqarnikkut inuttalerneqarusuppoq.
Qinnuteqarfissaq:
10. januar 2018
Sumi:
Ilulissat
Akissarsiat:
Isumaqatigiissutit malillugit

Avannaata Kommuniani Ilulissani Sanaartornermut illoqarfiullu ilaanut pilersaarusiornermut pisortamik pissarsiorpoq 

Fagchefip pisortaa qaninneq tassaavoq attaveqaatinut, sanaartornermut avatangiisinullu pisortaq.

Suliat aamma akisussaaffiit 

Avannaata Kommuniata ukiuni tulliuttuni sanaartorneq samminiarpaa. Illit sanaartornermut pisortatut kommunimi ineriartorneq sunneeqataaffigisinnaavat aamma kommunip sanaartugassatut pilersaarutaasa piviusunngortinneqarnissaannik suleqataassaatit. Sanaartornerup immikkoortortai tamaasa uppernarsaatitalimmik ilisimasaqarfigilluassavatit aamma sanaartukkanik aqutsinermik misilittagaqassaatit.
Avannaata Kommuniata sanaartukkat pisortaat misilittagaqarluartoq kommunimi tamarmi sanaartugassat pilersaarutaannik suliaqartussaq ujartorpaa. Illit pissusissamisuuginnartumik nammineq pilersaarutitit akisussaafittalerujussuit akisussaaffigisassavatit aamma kommunip ineriartortinneqarnera sullitat suleqatillu ilagalugit ineriartortissinnaassavat.
Kalaallit Nunaata avannaani sanaartornermut avatangiisinut attaveqaatinullu ingerlatsivimmi sulisut 300-t sinnerlugit amerlassusillit ilaannguffigissavatit, taakkunannga qullersaqarfimmi Ilulissaniittumi 18-t missaat sulipput. Taamaalillutit nukittuumik tunuliaquteqassaatit aamma suliat aaqqiiffigineqarnissaannut isumasioqatissaqassaatit suleqateqassallutillu.


  • Inatsit atuuttoq aamma naalakkersuinermik suliallit aalajagigaat fagchefip siumut isigisumik suliassallu akisussaaffiup iluaniittut eqqarsaatigilluakkamik suliarineqartarnissaat qulakkeertassavai, sanaartugassat nutaat suliarineqarneri ilanngullugit. Sanaartugassatut akuerisat tamarmik suliariumannittussarsiuunneqartarnissaat fagchefip akisussaaffigissavai. Suliassat missingersuutit iluini aningaasaliiffigineqartut sulisunit malinnaavigineqarnissaannik akisussaaffigineqartut fagchefip malinnaaffigisassavai. Missingersuutini aningaasaliissutit malinneqartarnissaat fagchefip akisussaaffigai.

  • Oqartussat nunaminertalerinermik sanaartugassanillu suliaqartarnerisa eqaatsumik atorneqarluarsinnaasumillu ingerlanneqarnissaat fagchefip qulakkeertassavai. Qarasaasiarsorneruneq aamma suleriaatsit sulinermilu periutsit eqaatsut atorlugit tamanna pisassaaq. Suleriaatsit tigussaasut immikkuualuttortaallit atorlugit qitiusoqarfiup qitiusoqarfiullu avataaniittut eqaatsumik suleqatigiinnissaat qulakkeerneqassaaq.

  • Inatsit atuuttoq naapertorlugu siumut isigisumik pissutsinillu tamanik ilisimannilluni illoqarfiup ilaanut pilersaarusiornissaq fagchefip qulakkeertassavaa. Aammasumik, anguniagalimmik paasissutissiisarnermik aamma kommunimi innuttaasunik peqataatitsinermik samminnilluni pisassaaq. Kommunip pilersaarutaanik nutaanik suliaqarnissaq imaluunniit pisariaqartitsineq naapertorlugu pilersaarutinik nutarterinissaq fagchefip akisussaaffigai.

Piginnaasat 

  • Sanaartornerup iluani attuumassuteqartumik ilinniagaqarsimassatutit, soorlu assersuutigalugu ingeniøritut, konstruktøritut imaluunniit illussanik titartaasartutut.

  • Sanaartornerup iluani misilittagaqartutit.

  • Aqutsinermik misilittagaqartutit.

  • Sanaartugassatut suliat immikkut ittumik akisussaaffigineqarneri

  • Pilersaarusiorneq aamma piviusunngortitsinerit, piffissaq, aningaasaqarneq pitsaassuserlu uani ilanngunneqarput

  • Pilersaarummik aqutsineq

  • Sanaartitsisut, sanaartornermi suleqataasut aamma atortunik pilersuisut sullissinerini isumaqatigiissusiorfigineri

  • Pilersaarusiortartoqatigiinni ilaasut allat ulluinnarni eqqartueqatigineri aamma ataqatigiissarneri

  • Aningaasanik aqutsineq aamma aningaasaqarneq pillugu nalunaarusiorneq

Akissarsiat aamma atorfeqarnermi atugassarititaasut 

Akissarsiat aamma atorfininnermi atugassarititaasut, matumani sulilernermi soraarnermi angalanerit, kiisalu pisattat angallanneqarnerat atorfininnerup nalaani Naalakkersuisut aamma suliniaqatigiiffiup isumaqatigiinniartussaatitaasup akornanni isumaqatigiissut atuuttoq naapertorlugu pissaaq.

 

Atorfimmut atatillugu inissiamik innersuussioqassaaq.

Paasissutissat 

Atorfik pillugu paasissutissat amerlanerit Qaasuitsup Kommuniani attaveqaatinut, sanaartornermut avatangiisinullu pisortamut Nick Nielsen-imut oqarasuaat 94 78 74 imaluunniit qarasaasiakkut uunga saaffiginnilluni nick@qaasuitsup.gl pissarsiarineqarsinnaapput.

Qinnuteqarfissaq kingulleq 

Qinnuteqaat ilinniagaqarsimanermut allagartanik, sumi suliffeqartarsimanermut aamma oqaaseqaatinik ilaqartinneqartoq kingusinnerpaamik ulloq 10. januar 2018 nassisunneqassapput.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl