Allagarsiuteqqitaq - Angerlarsimaffimmi ikiorteqarnermut allaffimmi tullersorti

Ilulissani angerlarsimaffimmi ikiorteqarnermi aqutsisumut tullersortimik pissarsiorpoq, piaartumik imaluunniit isumaqatigiissuteqarnikkut atorfinittussamik.
Qinnuteqarfissaq:
13. december 2017
Sumi:
Ilulissat
Akissarsiat:
Isumaqatigiissut malillugu

Qaasuitsup Kommuniani Ilulissani angerlarsimaffimmi ikiorteqarnermut allaffik tullersortimik pissarsiorpoq 

Tullersortip qaninnertut qullersarissavaa angerlarsimaffimmi ikiorteqarnermi aqutsisoq.

Atorfiup pingaarnertut sulissai 

  • Angerlarsimaffimmi ikiortip ulluinnarni imertartartullu suleriaasissaasa aaqqissuunnera agguaannerilu aqutsisoq suleqatigalugu ingerlanneqartassapput.
  • Innuttaasup angerlarsimaffimmini pisariaqartitsinerata nalilersornera nalilersoqqinneralu aqutsisoq taavalu pillorissaasoq suleqatigalugit ingerlanneqassapput. Innuttaasup timikkut piginnaasai, perusussuseqarnera taavalu piginnaasai kiisalu kommunip sullissinerata qaffasissusaa naliliinermi aallaaviussapput.
  • Angerlarsimaffimmi ikiorteqarnerup iluani sulisut kalaallisut oqalunngitsut oqalutseqartinneqarnissai  isumagalugit.
  • Angerlarsimaffimmi ikiortit aqutsisuatut inissisimaneq, aqutsisup sulinngiffeqarnerani, feeriarnerani imaluunniit napparsimanerani, tamatumanilu aqutsisoq sinnerlugu qaammatikkaartumik ataatsimiinnerni peqataasarluni.
  • Angerlarsimaffimmi ikiorteqartarnerup pingaarnertut ineriartortinneqarnissaa aqutsisoq suleqatigalugu ingerlanneqassaaq, tamatumani angerlarsimaffimmi ikiortinik pikkorissaanerit.
  • Angerlarsimaffimmi ikiortit pisariaqartitsinerat aallaavigalugu imaajarnissaat isumagalugu.
  • Angerlarsimaffimmi ikiortit aqutsisuat ikiortillu kiisalu imertartartut ataatsimiinnerini peqataaneq taavalu ikiortinut eqinnaatsumik ikorfartortitut inissisimaneq.

Naatsorsuutigaarput 

  • Atorfimmut tulluuttumik ilinniagaqartutit, soorlu peqqissaasoq, timimik sungiusaasoq, pillorissaasoq imaluunniit sundhedsassistentitut (angerlarsimaffimmi ikiorteqarnermi kiisalu utoqqarnik paaqqinninnermillu pikkorissarnissamut ilinniagaqarnissamullu soqutigisaqarneq).
  • Ilinniagaq tulluartoq alla (angerlarsimaffimmi ikiorteqarnermi kiisalu utoqqarnik paaqqinninnermillu pikkorissarnissamut ilinniagaqarnissamullu soqutigisaqarneq).
  • Angerlarsimaffimmi ikiorteqarnermi aqutsisup tullersortaattut sulisunullu aqutsinermut misilittagaqarneq.
  • Inunnik isumaginninneri imaluunniit utoqqarnik napparsimasunillu, tulluartumik tapersiinermi inuttullu paaqqinninnermi aqutsisup tullersortaattut sulisunullu aqutsinermut misilittagaqarneq.
  • Kalaallit Nunaanni inuiaqatigiinni pissutsinut aammalu pisortat suliffeqarfiinut ilisimasaqartut.

Inuttut piginnaasat 

  • Ammasuuneq.
  • Utoqqarnik innarluutilinnillu sullissinissamut soqutigisaqarneq.
  • Sulianik paasisimasaqarneq.
  • Eqqarsartaatsikkut nukittusseqarneq.
  • Misigissutsitigut piginnaaneqarneq pisunillu paasisimasaqarneq.
  • Maligassiuilluartoq takuuk nalitussutsimut piumasaqaat.
  • Suleqatiginnikkusussuseqarneq.
  • Tulleriiaareqqissaarsinnaassuseqarneq.
  • Tatiginartoq, ataqqinnittoq, suliamut tunniusimasoq akisussaaffimmillu paasisimasaqarluartoq.
  • Inuttut attavigiuminartoq attaveqaqatigiilluarsinnaasorlu.
  • Sulianik namminersorluarsinnaasoq.
  • Eqaatsoq.
  • Unammilligassanut piareersimasoq.

 

Atorfik pillugu paasissutissat annerusut saaffiginninnikkut pissarsiarineqarsinnaapput angerlarsimaffimmi ikiorteqarnermi  aqutsisumut Laura Lyberth Grønvold-imut oqarasuaat 94 76 45 imaluunniit e-mail-ikkut: llg@qaasuitsup.gl.


Akissarsiaqartitsineq atorfinitsitsinerlu 

Akissarsiaqartitsineq atorfinitsitinerlu pissapput atorfinitsinneqarnerup nalaani Naalakkersuisut kattuffiullu isumaqatigiinninniarsinnaatitaasup akornanni isumaqatigiissutit naapertorlugit.

 

Atorfimmut atatillugu inissaqartitsisoqarpoq.

 

Atorfinititsineq aatsaat pissaaq ”pisortatigoortumik pillagaasimannginnermut uppernarsaat” naammaginartoq pigineqarpat.


Qinnuteqarfissaq kingulleq 

Qinnuteqaat ilinniarsimanermut suliffigisimasallu pillugit paasissutissat pappialallu allat pisariaqarsorisat ilanngullugit kingusinnerpaamik Sulisoqarnermut Immikkoortortamut ulloq 13. december 2017 tunniunneqareersimassapput.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl