Ingerlatsinermut akisussaasoq aammalu nunaminertalerisut marluk

Ilulissani sullissivimmi atorfiit pingasut ingerlatsinermut avatangiisinullu immikkoortortaqarfimmi inuttaqanngillat.
Avannaata Kommuniani nutaami sulilerumaartussaassaasi, taanna 1. januar 2018-imi pilersinneqarpat.
Ingerlatsinermut akisussaasoq aamma nunaminertalerisut marluk inuttassarsiorpavut.
Qinnuteqarfissaq:
11. december 2017
Sumi:
Ilulissat
Akissarsiat:
Isumaqatigiissut malillugu

Qaasuitsup kommunia Ilulissani Ingerlatsinermut akisussaasumik aammalu nunaminertalerisunik marlunnik sulisussarsiorpoq 

Suliat pillugit ingerlatsinermut aqutsisumut illit attaveqartassaatit aamma najukkami sullissivimmi pisortaq illit ulluinnarni pisortarissavat qaninneq. Ilulissani ingerlatsinermut avatangiisinullu ulluinnarni aqutsisuussaatit.

Suliat pillugit pilersaarusiornermut pisortamut illit attaveqartassaatit aamma ingerlatsinermut akisussaasoq ulluinnarni pisortarissavat qaninneq.

 


Ingerlatsinermut akisussaasoq 

Ilulissani sullissivimmi ingerlatsinermut avatangiisinullu immikkoortortaqarfik ingerlatsinermut akisussaasutut atorfik inuttassarsiorpaat, taannalu 1.januar 2018-imi imaluunniit isumaqatigiissuteqarnikkut inuttalerneqarusuppoq.

 

Ilulissani sullissivimmi immikkoortortaqarfiit allat kiisalu kommunip qitiusoqarfia suleqatigalugit ingerlatsinermut akisussaaffilik Ilulissat illoqarfiat taassumalu nunaqarfii sisamaasut: Saqqaq, Qeqertaq, Oqaatsut aamma Ilimanaq ulluinnarni ingerlatsinerinik suliaqassaaq.

 

Ingerlatsinermut akisussaasoq nunaminertalerisunik marlunnik, teknikerimik ataatsimik, allaffimmi sulisunik kiisalu illoqarfimmik nunaqarfiillu ingerlanneqarnerinut aqutsisut assigiinngitsunik suleqatigiinnut ilaassaaq.


Suliassat aamma akisussaaffiit 

  • Aningaasanik aqutsineq kiisalu missingersuutinik suliaqarneq.

  • Allaffissornermik sulineq aamma illoqarfiit nunaqarfiillu ingerlanneqarnerini sullissineq kiisalu kommunip ileqqoreqqusai, malittarisassai inatsisit il.il. naapertorlugit aserfallatsaaliineq.

  • Sulisut akisussaaffigineri.


Piginnaassutsinik kissaatit 

  • Innuttaasunik pitsaasumik sullissisinnaaneq.

  • Qiimasuunueq, angusaqarusussuseqarneq eqaatsumillu suleriaaseqarneq.

  • Attaveqallaqqissoq.

  • Pisortat aaqqissuussaaffianni imaluunniit suliffeqarfimmi ingerlatsinermik, sanaartornermik suliaqartumi misilittagalik.

  • Kalaallit Nunaanni pissutsinik aamma Kalaallit Nunaanni sulinermut inatsisinut atuumassuteqartunik pisariaqartunik ilisimasalik.

  • Qarasaasiani atortulersuutinut Office-imut, MAP-info-mut, GIS program-imut aamma Winformatik-imut ilisimasalik.

  • Attuumassuteqartumik ilinniagalik kiisalu aqutsisutut misilittagalik.

  • Ingeniøritut, bygningsingeniøritut, bygningskonstruktøritut, teknikkeritut assigusumilluunniit sanaartornerup iluani tunuliaqutalik.

  • Danskit, kalallit ajornanngippallu tuluit oqaasiinik atuisinnaaneq iluaqutaassaaq.


Nunaminertalerisut marluk 

Ilulissani sullissivimmi ingerlatsinermut avatangiisinullu immikkoortortaqarfik nunaminertalerisutut atorfiit marluk inuttassarsiorpaat, taakkulu 1.januar 2018-imi imaluunniit isumaqatigiissuteqarnikkut inuttalerneqarusupput.

 

Ilulissani sullissivimmi immikkoortortaqarfiit allat kiisalu kommunip qitiusoqarfia suleqatigalugit nunaminertalerisutut atorfillit Ilulissat illoqarfiat taassumalu nunaqarfii sisamaasut: Saqqaq, Qeqertaq, Oqaatsut aamma Ilimanaq kiisalu nunap immikkoortuani nunaannarmi nunaminertalerinermik suliassartai ulluinnarni suliarisassavaat.

 

Nunaminertalerisut taakkua marluk ingerlatsinermut akisussaasoq ataaseq, ingerlatsinermut avatangiisinullu allaffimmiut kiisalu illoqarfimmik nunaqarfiillu ingerlanneqarnerinut aqutsisut assigiinngitsunik suleqatigiinnut ilaassapput.


Suliassat aamma akisussaaffiit 

    • Nunaminertamik atuisinnaanermut qinnuteqaatit tamaasa, piffissalersukkat aamma ataavartumik atuisinnaanermut akuersissutitallit, kommunip pilersaarutaani aalajangersakkat naapertorlugit suliarineri.

    • Illulissat illoqarfianni nunaqarfiittaanilu: Ilimanaq, Oqaatsut, Qeqertaq, Saqqaq kiisalu nunaannarmi nunaminertamik atuisinnaanermut akuersissutit tamaasa suliarisassavatit.


Piginnaassutsinik kissaatit 

  • Innuttaasunik pitsaasumik sullissisinnaaneq.

  • Qiimasuunueq, angusaqarusussuseqarneq eqaatsumillu suleriaaseqarneq.

  • Attaveqallaqqissoq.

  • Pisortat aaqqissuussaaffianni imaluunniit suliffeqarfimmi ingerlatsinermik, sanaartornermik suliaqartumi misilittagalik.

  • Kalaallit Nunaanni pissutsinik aamma Kalaallit Nunaanni sulinermut inatsisinut atuumassuteqartunik pisariaqartunik ilisimasalik.

  • Qarasaasiani atortulersuutinut Office-imut, MAP-info-mut, GIS program-imut aamma Winformatik-imut ilisimasalik.

  • Teknikkeritut assigusumilluunniit sanaartornerup iluani tunuliaqutalik.

  • Danskit, kalallit ajornanngippallu tuluit oqaasiinik atuisinnaaneq iluaqutaassaaq.


Atorfiit pingasut pillugit ilitsersuineq 

  • Pitsaasumik peqqissaartumillu atorfimmut ilitsersuunneqarnissarsi isumagissavarput, taamaalillusi suliassassinnik tigusiartuaartinneqassaasi.

  • Suliffeqarfiup iluani suliaqarfiit assigiinngitsut suleqataaffigissallusi piareersimanissarsi pingaartuuvoq kiisalu marlunnik kulturilinnik suleqateqarnissarsi piareersimaffigissavarsi; tassani inuit piginnaassaat aamma pingaartinneqartartussapput.

  • Kulturimik inunnillu paasinnissinnaassuseqarneq, inuiaqatigiit marlunnik oqaasillit immikkuullarissuunerisa sammineqarsinnaaneri uani ilaapput.


Uagut ukuuvugut 

Kalaallit Nunaanni kommuninit tamanit Avannaata Kommunia avannarlinngussaaq.


Akissarsiat aamma atorfinitsineqarneq 

Atorfinnineq akissarsiaqarnerlu isumaqatigiissut atuuttut naapertorlugit pissaaq. Atorfik inissaqartitsivoq, soorlu aamma atorfininnermi suliunnaarnermilu angalaneq kiisalu pigisat assartorneqarneri malittarisassat atuuttut malillugit pissapput.

Atorfik 1.december 2017-miit imaluunniit isumaqatigissuteqarnikkut inuttalerneqassasoq kissaataavoq.

 

Pinerlussimannginnermut uppernarsaatit naammaginartut tunngavigalugit atorfinitsitaaneq pissaaq, taakkulu qinnuteqartup atorfinittussatut innersuunneqarnerata kingorna akuersilluni atsiortereerneratigut Rigspolitiinit sulisitsisumiit piumaneqassapput. Atorfiit pillugit paasissutissat amerlanerit sullissivimmi pisortamut Sussi Cortzen-imut, oqarasuaat: +299 94 78 11-mut imaluunniit mailimut uunga: scr@qaasuitsup.gl saaffiginnilluni pissarsiarineqarsinnaapput.

 

Nunaminertalerisutut atorfiit imarisaasa paasissutissartai pilersaarusiornermut pisortamut Hanne Holm Andersen-imut, mail: hha@qaasuitsup.gl –imut imaluunniit oqarasuaat 947873-imut saaffiginnilluni pissarsiarineqarsinnaapput kiisalu kommuni pillugu paasissutissat amerlanerit paasiniarniarlugit kommunip nittartagaa; http://www.qaasuitsup.ql takuuk. Kommunip pilersaarusiornera nittartakkami uani: http://qaasuitsup.plania.gl aamma atuarsinnaavat.


Qinnuteqarfissaq kingulleq 

Qinnuteqaat ilinniarsimaneq aamma siusinnerusukkut suliffigisimasat paasissutissartalerlugu, ilinniakkamik naammassinermi uppernarsaatip assinga oqaaseqaatillu mailimut uunga nassiunneqassapput:  hr@qaasuitsup.gl

 

Qinnuteqaatit tiguneqariissapput: 11. december 2017.


Qinnuteqaat uunga nassiunneqassaaq 

Qaasuitsup Kommunia

Sulisoqarnermut immikkoortortaqarfik

Postboks 1023

3952 Ilulissat

e-mail: hr@qaasuitsup.gl