Avannaata Kommunianut Ataatsimoorussanut Sullissivimmut pisortaq

Kommuni ataaseq marlunnut avinneqalerpoq, taamaalillunilu kommuni nutaaq pilersinneqalerluni. Kommuni 01.01.2018 pilersinneqartussaq atserneqarpoq; Avannaata Kommunia.
Qinnuteqarfissaq:
15. november 2017
Sumi:
Ilulissat
Akissarsiat:
Isumaqatigiissutit malillugit

Kommuninngortussami nutaami Avannaata Kommuniani Ataatsimoorussanut Sullissivimmut pisortamik pissarsiorpoq 

Avannaata Kommunia kivitseqatigiilluni suliarineqartussanik annertuunik unammilligassaqartussaassasoq naatsorsuutigineqarpoq, taamaammat Kommunalbestyrelsinngortussap kissaatigaa allaffeqarfik suliassanut piginnaasaqarluartunik nukittuunillu aqunneqarluni aallartissasoq, taamaattumik maannangaaq Ataatsimoorussanut Sullissinermi Ingerlatsivimmut pisortatut atorfik 1. januar 2018 imaluunniit isumaqatigiissuteqarnikkut inuttalerneqartussanngorlugu inuttassarsiorneqarpoq.

 

Atorfik qullersaqarfimmi Ilulissaniittumi inissisimassaaq, qaninnertullu pisortarissavat allaffissornikkut pisortaaneq, kiisalu ingerlatsivinni pisortanut allanut qanittumik suleqateqarnissaq piumasarineqarpoq.

 

Avannaata Kommuniani suleqatigiinneq qitiutillugu sulinissaq kissaatigineqarmat, naatsorsuutigineqarpoq qinnuteqartoq aqutsisooqataalersussat allat peqatigalugit, suleqatigiinnermik ilumoorsaarfiujuaannanngitsumik pilersitseqataajumaartoq.

 

Pisortaqatigiinnut ilaassaatit; taakku ataatsimoorullugu ukiuni aggersuni suliassaraat; allaffissornikkut aaqqissuussaanerup atuutilersinneqarnissaa, politikerit takorluugaasa politikkiliuunneqarnissaannut aamma periuusiliuunneqarnissaannut siunnersuusiorneq, politikerit aalajangigaasa tigussaasumik iliuuseqarfigineqarnissaannik, inerisarneqarnissaannik aamma allaffissornermik suliaqarnermut malittarisassiuunneqarnissaannik suleriaasissaliuunneqarnissaanik qulakkeerinninnneq, innuttaasut, inuutissarsiortut sulisullu teknikkikkut atortorissaarutit atorlugit paasissutissanik ataatsimoorussamik pissarsiaqartarnissaannik qulakkeerinninneq, kiisalu sulisut atorfinitsinneqarneri ilinniaqqinnerilu aqqutigalugit pisariaqartinneqartumik piginnaasassaannik qulakkeerinninneq.

 

Kommunini aqutsisutut misilittagaqarnissaq pingaartinneqarpoq, tassa uunga   suliassaqarfimmut suliassat tunngassuteqartut eqqarsaatigalugit oqaatsit tamanit paasineqarsinnaasut atorlugit innuttaasunik sulisunillu oqaloqateqarnermi oqariartuuteqarsinnaanissat attaveqartarsinnaanissallu pisariaqartussaammat.

Atorfimmi akisussaaffiit aamma pingaanertut suliassat 

Atorfik akisussaaffinnik makkuninnga imaqarpoq:

  • Akisussaaffigisat iluanni suliassat suliarineqarnissaannut ilitsersuusiorneq

  • Suliassaqarfinni taaneqartuni periusissianik kiisalu politikkissanik suliarinninneq

Politikkikkut suliaqarnermut atatillugu suliassat:

  • Nunaqarfinnut, Tamat oqartussaaqataanerannut Attaveqatigiinnermullu Ataatsimiititaliamut allattaaneq.

  • Politikkikkut ataatsimiititalianut politikkissanik aamma periusisssanik siunnersuusiorneq.

  • Politikkikkut aalajangiiffigisassanik oqartussaaffeqarfiit pillugit pilersaarusiat misissuataarneqarnissaannik suliarinninneq.

  • Avataani suleqatigisanut isumaqatigiissutinut akisussaaneq.

Aqutsinermut tunngatillugu suliasssat:

  • Pisortaqatigiit ulluinnarni sulineranni kiisalu ataatsimiinneranni peqataaneq.

  • Borgmesterimut, ataatsimiititaliami siulittaasunut kiisalu oqartussaaffeqarfinni pisortaqatigiinnut qimoqataallunilu siunnersortaaneq.

Sulisunut kiisalu sullissinermilu atuuffinni suliassat:

  • Suliassaqarfiup sulisuinut tamanut akisusaaneq.

  • Inatsisit atuuttut attanneqarnissaannut akisussaaneq.

  • Periusissiat politikkikkut aalajangiunneqartutulli piviusunngortinnissaanut akisussaaneq.

  • Innuttaasunik sullissiviit sunniuteqarluartumik kiisalu eqqortumik siunnersorneqarnerannut akisussaaneq

 

Taakku saniatigut atorfeqarnermi akisussaaffiit atorfillu pillugu allaaserisaq sulisoqarnermut immikkoortortaqarfimmut saaffiginnilluni pissarsiariniarneqarnissaa innersuussutigineqarpoq.

Piginnaasaqarfigisassatit 

  • Suliffimmi politikkikkut aqunneqartumi misilittagaqarneq.

  • Allaffissornerup iluani ilinniagaqarsimaneq kiisalu aqutsineq aamma periutsit immikkut sammisaralugit ilinniagaqarsimasoq.

  • Tassunga attuumassuteqartumik ilinniaqqissimasuuneq, aqutsineq, pilersaarusiornermi aqutsineq aamma periusissanik aqutsineq ingammik matumani pineqarput.

  • Pisortat aamma/imaluunniit namminersortut suliffeqarfiutaanni sulinermik  aqutsinermillu misilittagaqarneq.

  • Kalaallit Nunaanni pissutsinik ilisimasaqarneq; kommunemi najugaqarfiit 27-t siammasissumik inissisimammata immikkut ittumik unammillernartuusarlutik ilisimasaqarnissaq pingaaruteqarpoq.

  • Kalaallit Nunaanni inatsisinik attuumassuteqartunik ilisimasaqarneq.

  • Kulturimik inuttullu paasinnittarneq; inuiaqatigiinni marluinnik oqaaseqartuni tamanna immikkut ittumik pigissallugu pingaaruteqarpoq.

  • Kalaallisut, tuluttut danskisullu oqaaseqarneq.

  • Attaveqaqatigiillaqqissuuneq, suliffeqarfiup avataanut aamma suliffeqarfiup iluani.

  • Nuannaartuuneq aamma qiimasuuneq.

Akissarsiat aamma atorfeqarnermi atugassat 

Akissarsiat aamma atorfeqarnermi pissutsit, atorfininnermi soraarnermilu angalasinnaatitaaneq kiisalu pequtit nuunneqarneri pillugit Naalakkersuisut kattuffiullu isumaqatigiinniussisinnaatitaasup akornanni atorfininnerup nalaani isumaqatigiissutaasut atuuttut naapertorlugit tamakkua isumagineqassapput.

 

Atorfiup qanoq ittuunissaannut tunngassuteqartut maannakkut suliaralugit ingerlanneqarput.

 

Pineqaatissinneqarsimannginnermut uppernarsaat kiisalu meeqqanut pinerliisimanngiinermut uppernarsaat takutinneqarpat atorfinninneq pissaaq.

 

Atorfimmut tunngatillugu inissaqartitsisoqarpoq, taamaammat malittarisassat atuuttut naapertorlugit depositumimmut / inimut akiliuteqartarnerit  pisassapput.

Paasissutissat 

Atorfik pillugu itinerusumik paasissutissat Avannaata Kommuniani allaffissornikkut pisortaanermut Sivso Dorph oqarasuaat 947950-imut imaluunniit mailimut sido@qaasuitsup.gl –mut saaffiginnilluni pissarsiarineqarsinnaapput.

Qinnuteqarfissaq kingulleq 

Qinnuteqaatit ilinniarsimanermik siusinnerusukkullu suliffigisimasanik paasissutissartallit, ilinniarsimanermik uppernarsaatip assinganik ilalerlugit sulisoqarnermut immikkoortortaqarfimmeeriissapput kingusinnerpaamik 15. november 2017.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl