Ilulissani Ilaqutariit illuannut Miljøarbejderissarsiorneq

Qaasuitsup Kommunia immikkoortortaqarfimmi Ilulissani miljøarbejder-itut atorfik inuttassarsiuunneqarpoq 1. december 2017 imaluunniit isumaqatigiissuteqarnikkut sulilersussamik.
Qinnuteqarfissaq:
20. oktober 2017
Sumi:
Ilulissat
Akissarsiat:
Isumaqatigiissut malillugu

Qaasuitsup Kommunia Ilulissani ilaqutariit illuannut Miljøarbejderissarsiorpoq 

Miljøarbejder-itut atorfik Ilulissat illoqarfiani meeqqat inuusuttut ilaqutariillu akornanni pitsaaliuinermik suliaqartussaavoq. Qaninnertut pisortarissavat Ilulissani Ilaqutariit Illuanni aqutsisoq.

 

Miljøarbejder-it pinaveersaartitsinermi siunnersorti aammalu ilaqutariinnut siunnersuisartoq qanimut suleqatigilluinnarlugit ingerlasarput, suleqatigiillu taakku akunnerminni ilusiliinissartik aaqqissuuttarpaat.

 

Inuk atorfinitsitassarput namminersorluni sulisinnaassaaq, tatiginartuulluni, attaveqaqatigiinnermut pikkorissalluni kiisalu suliffimmut aalajaatsussalluni tarnimigullu patajaalluni.


Ilaatigut makku suliassarissavatit 

  • Miljøarbejder-ip meeqqap/inuusuttuaqqap ulluinnarni inuunera malinnaaffigissavaa, ajornartorsiutaa suunersoq allaavingalugu piffissami ajornartorsiutaasup nalaani sulisassalluni.

  • Meeqqap/inuusuttup avatangiisii qanoq ittuunersut misissussavai, taakkunanilu ajornartorsiummik nassaaruni Inunnik Isumaginnittoqarfik angajoqqaallu suleqatingalugit ajornartorsiummik aaqqiiniassalluni.

  • Sullitani pinerluttarsimappat sunngiffimmi sammisartagai soqutigisai malillugit aaqqiiniartassalluni.

  • Meeraq/inuusuttuaraq angajoqqaaminik ilaginnangaappat atuariartortarnissaa /suliartortarnissaa isumagissallugu.

  • Sullitami eqqiluisaarnissaa aammalu naammaginartumik nerisaqarnissaa isumagisassallugu.

  • Angajoqqaat/angajoqqaarsiat nukissaqanngippata atuarfimmik/suliffimmik attaveqarneq suleqateqarnerlu ingerlatissallugit.

  • Pisariaqartitsineq naapertorlugu napparsimaveqarfimmiik, politeeqarfimmiik taakkunanngalu pinaveersaartitsinermi attuumassuteqartuni suliffeqarfinnik assigusuni suleqateqarneq ingerlatissallugu.

  • Pilersaarutilimmik angusaqarniarnermi suliniutit piviusunngortinnissaat isumagissallugit.

     

    Miljøarbejderitut naattorsuutigissavaa nikerartumik sulisarnissat, tassani apeqqutaatillugu meeraq/inuusuttuaraq nakkutigisassaq sutigut pisariaqartitsinersoq.


Ilinniakkatigut piumasaqaatit 

Miljøarbejderitut atorfinittussaq ilinniakkatigut inunnik isumaginninnermi siunnersortitut, perorsaasutut ilinniarsimasutut imaluunniit politiitut ilinniagaqarsimanissaa kissaatigineqarpoq, toqqaannartumilli piumasaqaataanani, inuk allamik ilinniagalik inunnillu isumaginninnermik sulinermik misilittagalik aamma atorfimmut piukkunnaateqarsinnaavoq.


Akissarsiaqarneq atorfinitsitaanerlu 

Atorfininnermi atugassarititaasut Naalakkersuisut peqatigiiffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

 

Atorfimmut atatillugu inissaqartitsisoqanngilaq.

 

Pisortatigoortumik pinerlussimannginnermut uppernarsaat (Straffeattest)  meeqqanillu pinerliisimannginnermut uppersarsaat (Børneattest)  naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinut sulisitsisumiit aaneqassapput.

 

Atorfik pillugu annertunerusumik paasisaqarusukkuit Ilaqutariit Illuanni aqutsisoq Frederikke Rasmussen attavigisinnaavat Tlf.: 94 78 99 imaluunnit e-mail: frra@qaasuitsup.gl


Qinnuteqarfissaq kingulleq 

Qinnuteqaat ilinniarsimaneq suliffigisimasallu pillugit paasissutissat, ilinniarsimanermut up-pernarsaat il.il. ilanngullugit Sulisoqarnermut Immikkoortortaqarfimmut kingusinnerpaamik 20. oktober 2017  tunniunneqareersimassapput.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut immikkoortortaqarfik

Postboks 1023

3952 Ilulissat

 

imaluunnit qarasaasiakkut: E-mail: hr@qaasuitsup.gl