Isumaginninnermut immikkoortortaqarfimmut Ilulissanut allaffimmiussarsiorneq

Qaasuitsup Kommuniata Ilulissani inunnik isumaginninnermut immikkoortortaqarfiani, aningaasaqarnikkut allaffimmiutut atorfik inuttaqanngitsoq inuttassarsiuunneqarpoq, ulloq 1. november 2017-imi imaluunniit isumaqatigiissuteqarnikkut sulilersussamik.
Qinnuteqarfissaq:
16. oktober 2017
Sumi:
Ilulissat
Akissarsiat:
Isumaqatigiissut malillugu

Qaasuitsup kommuniani Ilulissani inunnik isumaginnittoqarfimmi aningaasaqarnermut allaffimmiussarsiorneq 

Atorfik, allaffissornermut, aningaasaqarnermut aamma inunnik isumaginninnermi suliassanut tunngasuni misilittagalimmik inummik inuttalerneqassasoq kissaatigineqarpoq. Ilinniagaqarsimanermut tunngassuteqartutigut takorloorparput, inuk inunnik isumaginninnermut tunngasunut atatillugu allaffissornikkut, naatsorsuusiornikkut misilittagaqassasoq.


Suliassat aamma akisussaaffiit 

  • Immikkoortortami aqutsisup peqannginnerani, aqutsisuugallartutut atuuttarnissaq

  • Inunnik isumaginninnermut suliassaqarfiup aningaasaqarnikkut ingerlatsiffianik aqutsinik nakkutilliinerlu.

  • Inunnik isumaginninnermut suliassaqarfiup ilaanut tamanut atatillugu immikkoortortami aqutsisoq suleqatigalugu missingersuutissatut siunnersuutinik kiisalu missingersuutissat pilersaarusiornerannik suliaqarneq.

  • Inunnik isumaginninnermut suliassaqarfiup pisortat ikiorsiissutaannik, pensionisiaritittagaannik aamma ikiorsissutinik qularnaarisuusunik tunniuttagaannik pingaarnertut aqutsineq kiisalu naalakkersuinikkut ataatsimiititalianut innersuusiorneq aamma sulianik suliarinnittartut ataatsimiittarnerinut peqataaneq.

  • Immikkoortortami inunnik isumaginninnermut suliassaqarfimmut tunngassutilinnik suliassanik pileraarusiornermut agguataarinermullu peqataaneq.

  • Immikkoortortami attaveqaqatigiinnernik tamanik aqutsinermik isumaginninneq kiisalu oqartussaasunut pineqartunut allakkianik suliaqarneq.

  • Sulisut aamma avataaneersut suleqatigisat ataatsimeeqatiginerini peqataaneq.

  • Pisortat ikiorsiissutaat, pensionisiat aamma ikiorsiissutit qularnaarisuusut pillugit suliani, Ilulissat nunaqarfiini sisamaasuni, ataqatigiissaarisutut atuunneq.


Piginnaasaqassuseq 

  • Inuk allaffissornermut, aningaasaqarnermut aamma inunnik isumaginninnermi suliassanut tunngasunut ilinniagaqarsimassasoq takorloorparput.

  • Akisussaassuseqartuusutit.

  • Suleqatigiuminartuusutit.

  • Ammasuusutit aamma ilumoortuusutit.

  • Nutaaliorsinnaanermik eqqarsariartaaseqassasutit.

  • Nammineq sulisinnaasutit aamma aalajangiisinnaasutit.

  • Sulisunik piumassuseqalersitsisinnaasutit.

  • Ingerlatsiviit assigiinngitsut suleqatiginissaannut piginnaasaqassasutit.

  • Pisuni ilungersunartuni tamanik isiginnnissinnaasutit.

  • Naatsorsuutinik aamma missingersuutinik suliaqarsinnaasutit.

     

    Allaffimmiutut atuuffimmi, immikkoortortami aqutsisup peqannginnerani aqutsisuugallartutut aamma atuuffimmi pigaartutut atorneqartarnissaq naatsorsuutigineqassaaq.


Akissarsiat aamma atorfininnermi atugassarititaasut 

Sulianut katuffiup isumaqatiginninniarsinnaatitaasup sukkulluunniit atuuttup isumaqatigiissutai malillugit akissarsiat aamma atorfininnermi atugassarititaasut pissapput.

 

Maleruagassat sukkulluunniit atuuttut malillugit inissamik innersuussisoqarsinnaavoq. Taamatuttaaq atorfininnermut atatillugu angalaneq tunniunneqassaaq aamma maleruagassat atuuttut malillugit pequtit assartuunneqassallutik.

 

Atorfik pillugu paasissutissat annertunerusut pissarsiariniarneqarsinnaapput saaffiginninnikkut uunga immikkoortortami aqutsisoq Pia Lange, e-mailikkut: ptl@qaasuitsup.gl – imut imaluunniit oqarasuaat 94 75 50.


Qinnuteqarfissaq kingulleq 

Qinnuteqaat ilinniarsimaneq pillugu aamma siusinnerusukkut suliffigisimasat pillugit paasissutissanik nuutitanik aamma pinerlussimannginnermut uppernarsaatinik taamatuttaaq soraarummeernermi allagartat nuutinnerinik ilaqartoq nassiunneqassaaq, Sulisoqarnermut immikkoortortamit tiguneqariissalluni kingusinnerpaamik ulloq 16. oktober 2017.


Qinnuteqaat uunga nassiunneqassaaq 

Qaasuitsup Kommunia,

Sulisoqarnermut immikkoortortaq,

Postboks 1023

3952 Ilulissat

e-mail-imut: hr@qaasuitsup.gl