Sanaartornermi immikkoortortami ataqatigiissaarisoq/aqutsisoq Ilulissanut

Qaasuitsup Kommunia Ilulissani Sanaartornermut Sanaartornermi Immikkoortortami ataqatigiissaarisumik aqutsisuusussamik pissarsiorpoq 1. november 2017 isumaqatigiissuteqarnikkulluunniit atorfinittussamik.
Qinnuteqarfissaq:
8. oktober 2017
Sumi:
Ilulissat
Akissarsiat:
Isumaqatigiissut malillugu

Qaasuitsup Kommunia Ilulisani sanaartornermi ataqatigiissaarisumik/aqutsisumik sulisussarsiorpoq 

Illoqarfimmi eqeersimaartumi, sammisassaqarluartumi aammattaaq timersornermik illoqarfik eqeersimaartoq, minnerunngitsumillu takornarissanik orningarluarneqartoq, sunngiffimmi angalaarnissamut periarfissarpassualik.


Sanaartornermi Ataqatigiissaarisup inatsisit atuuttut kiisalu politikkikkut aalajangersakkat naapertorlugit, sanaartornermi ingerlatsinermilu, matumani kommuni sanaartortitsisuugaangat sanaartugassanik aqutsisuuneq eqqarsaatigilluaqqissaagaasoq siumullu isigisoq pilersaarusiornermi immikkoortortaqarfik suleqatigalugu, suliassanillu ingerlareersunik malitseqartitsineq ilanngullugu qulakkiissavaa.

Sanaartornermi Ataqatigiissaarisup qaninnerpaamik qullersarivaa Sanaartornermut Avatangiisinullu Pisortaagallartoq.

Qaasuitsup Kommuniani nunaminertaq 660 kvadratkilometerisut angitigaaq taamaalillunilu Frankrigimit 20 % sinnerlugu anginerulluni. Kommune inunnik 18.000-inik inoqarpoq, taakkualu najugaqarfinni 40-ni agguataarlutik najugaqarlutik. Kommune 2.200-nik sulisoqarpoq.

Sanaartugassatut pilersaarusiat akuerineqarsimasut tamarmik neqeroorutigineqarnissaat piviusunngortinneqarnissaallu Sanaartornermi Ataqatigiissaarisup akisussaaffigaa. Aammattaaq sanaartukkat missingersuutinut akuersissutigineqarsimasunut naapertuuttumik suliarineqarnissaat Sanaartornermi Ataqatigiissaarisup akisussaaffigaa soorlu aamma Sanaartornermi Immikkoortortaqarfimmi ulluinnarni ingerlatsineq ingerlatissallugu taamaalilluni suliassat illup iluani eqqissilluni suliarineqarsinnaaqqullugit. Sanaartornermi aataqatigiissaarisup immikkoortortaqarfimmi atorfilittat tamaasa ulluinnarni suliassaminnik naammassinnissinnaaqqullugit eqqortumik atortussaannik pissaqarnissaat qulakkiissavaa.

Immikkoortortaqarfimmi ataatsimiinnerit akulikitsunik malitseqartitsinerit, piginnaasallu pillugit pilersaarusiornerit, atorfinnik allaatiginninnerit kiisalu akisussaassuseqarfimmi suleqataasunut tamanut suleriaasissamik ilitsersuutinik suliaqarnissaaq Sanaartornermi Ataqatigiissaarisup akisussaaffigaa. 

Sanaartornermut Ataqatigiissaarisup suliassatigut akisussaassuseqarfii 

  • Suliassanik annikinnerusunik annertunerusunillu neqerooruteqartitsinermi akisussaaneq, sanaartukkani pisortat ingerlataanni ingerlatsinermilu neqeroorutitsinissami atortussanik suliaqarneq.
  • Pilersaarusiornermi sanaartornermilu aqutsisunik suliassanik ingerlataqartunik attaveqarneq, aningaasaqarnikkullu sinaakkutinik aalajangersakkanik malitaqarneq.
  • Ingerlatsivimmi illullu avataani illuatungeriinnut suleqatigiinnerup naammaginartumik ingerlanneqarneranut akisussaaneq.
  • Aqutsisoqatigiinni politikkikkut ataatsimiititaliani aalajangikkat ulluinnarni aaqqissuussaanermut suleriaatsitsinullu naapertuuttumik pulatinneqarnissaannut akisussaaneq.
  • Sulisut atorfimminni iluarisimaarinninnissaannut akisussaaneq kiisalu suliamut sulisoqarnermullu tunngassutilinni tamani ajornartorsiutit aqqqinneqarnissaannut akisussaaneq.
  • Sanaartornermi Ataaqatigiissaarisup, Ingerlatsiviup immikkoortortaqarfiini tamani pilersaarusiornermut atatillugu suliassaqarfiit akimorlugit suleqatigiinnerup qulakkeerneqarnissaa, kiisalu kommunimi paasissutissat akisussaanut teknikerinullu apuuneqartarnissaat ilanngullugu.

Piginnaasassatut kissatigineqartut 

Qinnuteqartussaq ilinniakkatigut aallaavilimmik suliassatigut qaffasissumik piginnaasalik kiisalu sanaartornermut ingerlatsivinnillu attuumassutilimmik ilinniagaqarsimassasoq Kommunimit kissaatigineqarpoq.

  • Illussanik ilusilersuisartutut (bygningskonstruktør) ilinniarsimasuunissaq

  • Imaluunniit Ingeniør-itut ilinniarsimasuunissaq.

  • Naalakkersuinikut aqunneqartumik ingerlatsivimmi sulerusussuseqarputit.

  • Sanaartornerup nunaminertallu ingerlanneqarnerannut inatsisitigut misilittagaqarneq.
  • Sanaartugassat annikinnerusut illit nammineq pilersaarusiorsinnaavatit.
  • Sanaartukkanik nakkutilliinermik misilittagaqarputit.
  • Pilersarusianik aningaasaqarnermillu aqutsinermik misilittagaqarputit.
  • Suliffeqarfimmi ilumoorsaarfiunngitsumi pitsaasumilli ilinniakkatigut ineriartornissamut periarfissagissaartumut ilanngutissaatit.
  • Issittumi pissutsinut ilisimasaqarputit.
  • Pisortatut pitsaasumik piginnaasaqarputit ulapaarfimmilu tamakkiisumik isiginnissinnaassuseqarlutit.
  • Qiimasuuvutit angusaqarusuttartuullutillu.
Ingerlatsivimmiit suliffigisassat pillugu pitsaasumik sukumiisumillu tikilluaqquneqassatit taamaalillutit suliassanni suliassannut isertikkiartuaarneqarsinnaagavit.

Ingerlatsivimmi suut tamaasa akimorlugit suleqatikkuminartuunissat pingaaruteqarpoq, minnerunngitsumik kulturit marluk akornanni suleqataanissat soorlu aamma inuttut piginnaasat pingaartinneqarluinnartut. 

Akissarsiat atorfinitsitaanermilu atugassarititaasut 

Atorfinitsitaaneq akissaatillu isumaqatigiissut atuuttoq naapertorlugu pissaaq.

Atorfimmut atatillugu inimik innersuussisoqarsinnaavoq, soorlu aamma atorfininnermi soraarnermilu angalanermut kiisalu pisattat angallanneqarnerannut akiliussisoqarsinnaasoq.

Atorfik piaarnerpaamik inuttalerneqarusuppoq, isumaqatigiissuteqarnikkulluunniit ulloq 1. november 2017.

Atorfik pillugu annertunerusumik paasissutissat uunga saaffiginninnikkut Sanaartornermut Avatangiisinullu Ingerlatsivimmi Pisortaagallartoq Karl Jørgen Geisler, oqarasuaat +299 56 50 50 imaluunniit qarasaasiakkut
kage@qaasuitsup.gl Aammattaaq kommunip nittartagaa www.qaasuitsup.gl ,kommunimut paasissutissat annertunerusut pillugit alakkaruk.

Qinnuteqarfissaq kingulleq 

Qinnuteqaatit ilinnigaqarsimanermut suliffigisimasanullu paasissutissanik imalik, soraarummernermi uppernarsaatinik assigisaannillu ilanngussamik ilallugu Sulisoqarnermut Immikkoortortoqarfiup kingusinnerpaamik ulloq 8. oktober 2017 tigoreersimassavaa

Qinnuteqaat uunga nassiunneqassaaq 

Qaasuitsup Kommunia

Sulisoqarnermut immikkoortortaqarfik

Postboks 1023

3952 Ilulissat

e-mailikkut uunga nassiunneqassaaq: hr@qaasuitsup.gl