Immikkoortortami aqutsisut meeqqerivik nutaassami

Qaasuitsup Kommuniani, Ilulissani Meeqqerivik nutaassami immikkoortortami aqutsisut marluk, piaartumik isumaqatigiissuteqarnikkulluunniit atorfinittussamik.
Qinnuteqarfissaq:
15. oktober 2017
Sumi:
Ilulissat
Akissarsiat:
Isumaqatigiissutit malillugit

Qaasuitsup Kommuniani Ilulissani meeqqerivik nutaassami immikkoortortami aqutsisunik pissarsiorpoq 

Immikkoortortami aqutsisut qaninnertut qullersarissavaat Ilulissani Meeqqerivik nutaassami aqutsisoq.

Suliassat akisussaaffiillu 

  • Meeqqat peqqinnartumik ineriartorfiulluartumillu ineriartortinneqarnissaata qularnaarneqarnissaa, pilersuisuusut suleqatigalugit.
  • Meeqqat timikkut peqqinnartumik ineriartortinneqarnissaannik peqqinnissaqarfimmiik suleqarteqarneq.
  • Meeqqap meeqqerivimmut aggiunneqarnerani aaneqarneranilu isumagissaarluni pissuseqarnissaq kiisalu meeqqat angajoqqaallu oqaloqatiginissaannut piffissaqarnissaq.
  • Perorsaanermi suliaqarnermut tunngatillugu meeqqat malinnaavigineqarnissaat allattuisarnissarlu, kiisalu tarnip pissusaanik ilisimasalimmik, peqqissaasumik oqaloqateqartarnerit nalunaarsuusiorneqarneri kiisalu siunnersortinik kiisalu pilersuisuusunik oqaloqateqartarnerit nalunaarsorneqartarneri.
  • Meeqqat ukiui tunngavigalugit perorsaanermi sammisaqartitsinerit pilersaarusiorneqartarneri ingerlanneqartarnerilu kiisalu ulluunerani paaqqinnittarfimmiisitsisarnermi anguniakkat tunngavigalugit meeqqap pisariaqartitaa tunngavigalugu ingerlateqarneq.

Piginnaasat 

  • Perorsaasutut ilinniarsimasuunissaq.

  • Akisussaassuseqarneq.

  • Arajutsisiittuunissaq.

  • Akulerussinnaanermut nalimmassarsinnaanermullu piginnaasaqartoq.

  • Suleqatikkuminartuunissaq.

  • Qanilaartuuneq aalajaatsuunerlu.

  • Timikkut tarnikkullu peqqissuuneq aammalu ammasuuneq kiisalu nuannaartuuneq.

Akissaatit atorfeqartitaanermilu atugassarititaasut 

Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

 

Atorfimmut atatillugu inissaqartitsisoqarsinnaavoq.

 

Pinerlussimannginnermut uppernarsaatit, meeqqanullu pinerliisimannginnermut uppernarsaatit naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinit sulisitsisumiit piumaneqassapput.

Attaveqarfissaq 

Atorfimmut paasissutissat sukumiinerusut pineqarsinnaapput Meeqqerivik nutaassami aqutsisoq Bolethe Lukassen saaffigineratigut imaluunniit e-mail: bol@qaasuitsup.gl

Qinnuteqarfissaq kingulleq 

Qinnuteqaat ilinniarsimanermut siornatigullu sulisimanermut paasissutissanik imalik, ilanngullugit soraarummeernermut il.il. allagartat Sulisoqarnermut Immikkoortortaqarfimmut apuutereersimassapput kingusinnerpaamik 15. oktober 2017.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl