Allaffissornermi pisortaaneq Kommune Qeqertalimmut

Kommune Qeqertalik 2017-imi Qaasuitsup Kommuniata avinneqarneratigut pilersinneqarpoq. 1. januar 2018 ikaarsaariarnermut ataatsimiititaliaq Kommune Qeqertalimmi Kommunalbestyrelsitut atuutilissaaq. Kommune Qeqertalimmi aaqqissuussaaneq nutaaq ikarsaariarnermut ataatsimiititaliamit oqallisigineqarlunilu aalajangiiffigineqassaaq. Ikaarsaariarnermut ataatsimiititaliap kissaatigaa allaffissornikkut aqutsineq sunniuteqarluartoq aamma eqaatsoq piginnaasaqarluartunik sulisoqartoq, illoqarfiit aamma nunaqarfiit piginnaasaat akisussaaffeqarfiisa- piginnaasatigullu nukittorsarneqarnerat ilanngullugu. Kommune Qeqertaliup pilersinneqarneranut atatillugu 1. oktober 2017 imaluunniit isumaqatigiissuteqarnikkut Allaffissornikkut pisortaanissarsiorpoq.
Qinnuteqarfissaq:
31. august 2017
Sumi:
Aasiaat
Akissarsiat:
Isumaqatigiissutit malillugit

Kommune Qeqertalik Aasianni allaffissornermi pisortaanermik pissarsiorpoq 

Kommunimi suliffeqarfiit pioreersut kiisalu inuussutissarsiutitigut suliffeqarfissat nutaat ineriartortinneqarnerisa nukittorsarneqarnissaat kommunimi aqutsinikkut siuttunik kissaatigineqarnerat pissutigalugu kommunip ineriartortinneqarnissaa siunertaralugu periusissiamik suliaqartoqassaaq taamaammallu naatsorsuutigineqarpoq allaffissornikkut pisortaq suliassami tassani peqataalluarluni suleqataanissa.

Allaffisornikkut pisortap aqutsinikkut anguniakkat eqqarsaatigalugit pingaarnertut suliassai tassaapput 

  • Borgmesteri, aningaasaqarnermut ataatsimiititaliaq kiisalu kommunalbestyrelsi aalajangiussassanik suliaqarneranni siunnersorlugit

  • Suliassanik saqqummiussineq kiisalu aalajangiiffigisassatut siunnersuutit pitsaassusaasa qaffasinnerpaamiinnissaat qulakkeerlugu

  • Kommunimi aqutsinikkut aamma allaffissornikkut kiisalu tulleriiaarinermi tunngavissarititaasunik takunnissinnaassuseqarneq

  • Suliassanik saqqummiineq kiisalu ajornartorsiutaasinnaasut pillugit ersarissumik paasinarluartumillu nassuiaasinnaassuseqarneq

  • Periarfissanik allanik toqqaaniarnermi kinguneqaataasinnaasunik nassuiaaneq, kiisalu aqutsinikkut aalajangiisartuni politikkikkut partiit isummertariaasiat eqqarsaatiginagu ersarissunik aamma tigussaasunik aaqqiissutissanik siunnersuuteqarneq

  • Missingersuutit aamma aalajangiussassat aningaasaqarnikkut kinguneqaatissaat eqqarsaatigalugit qaffasissumik akisussaassutsimik qulakkeerinninneq

  • Kommunip innuttaaasunik sullissinerani kiisalu Kommune Qeqertalimmi inuussutissarsiutit ingerlaavartumik ineriartortinneqarnerata immikkut isiginiarneqarneranik qulakkeerinninneq

  • Kommunip nutaap ineriartortinneqarnerani isumassarsiorfittut kiisalu aallarnisaasutut atuuffeqarneq

  • Periusissiatigut aalajangiussanik ingerlatitseqqiinermik qulakkeerinninneq

     

    Borgmesterimut qaninnerpaatut siunnersortitut naatsorsuutigineqarpoq allaffissornikkut pisortaaneq makkuninnga atuuffeqassasoq:

  • Bormesterip suliassaqarfiini tamani qanimut suleqatitut inissisimaneq

  • Innuttaasunut, inuussutissarsiuteqartunut kiisalu suleqatigisanut allanut tunngatillugu suliassat eqqarsaatigalugit Borgmesterimut ikiuunneq.

     

    Tassa imaappoq pisortaaninngortussaq periusissianik ilisimasaqartutut ”qulaaniit takunnissinnaasutut” inissisimassaaq, tigussaasunik angusaqarsinnaasoq kiisalu innuttaasut pisariaqartitaannut naapertuuttumik allaffissornikkut aqutsisunik aamma suleqataasunik sunniuteqarluartumik suleqatigiissuseqarusuttoq aamma angusaqarusussulik.

Qinnuteqartoq toqqarneqassaguni ilinniagakkaatut qaffasissusilimmik suliamut attuumassuteqartumik ilinniagaqarsimassaaq kiisalu minnerpaamik oqaatsit pingasut atorsinnaasariaqarlugit; pingaarnertut kalaallisut, aappassaattut danskisut aamma tuluttut. Tamatuma saniatigut piginnaasassat 

  • Oqartussaassuseqarnermik pigisaqareerneq aamma sunniuteqarluartumik inissisimaneq. Pisortaaneq ersarissoq

  • Nutaaliorsinnaassusilik aamma takorluugalik. Siunertalimmik anguniagalik aamma sulisinnaassusilik

  • Ataatsimut isiginninneq tunngavigalugu sulisinnaassusilik angusaqarusussusilillu

  • Qaffasissumik akuutitsisutut pisortaq katersuuffiusoq (akuutitsineq aamma suliassanik agguataarinnissinnaaneq)

  • Suliassamut qaffasissumik ilisimasaqarneq

  • Naalakkersuinikkut suliaqarfimmi ulapaarfiusumi oqimaaqatigiissumik sulinikkut inissisimasinnaaneq

  • Periusissat eqqarsaatigalugit tamatigoortuuneq iliuuseqarsinnaassuseqarnerlu

  • Kommunip ineriartortinnissaa eqqarsaatigalugu attaveqaateqarluarneq aamma immikkut isiginninneq

     

    Atorfik Aasianni inissisimavoq. Aasiaat qeqertarsuup tunuata kujasinnerusortaani inissisimavoq. Qeqertaq nammineerluni inuinnaat ”inoqarfik qeqertarpassualimmiittutut” taasartagaanni qeqertat akornanni inissisimavoq. Illoqarfik 3.100-it missaannik inoqarpoq taamaalillunilu Kalaallit Nunaanni illoqarfiit annersaasa tallimaralugu.

    Pisortaanertut atorfik akissarsiat inissisimaffianni 39/40-mi inissisimavoq isumaqatigiissutillu naapertorlugit soraarnerussutisiat ilaatinneqarlutik maannakkorpiarlu akissarssiat kr. 890.000 - 930.000-it eqqaanni inissisimallutik.

     

    Atorfimmut atatillugu inimik pisatsersorneqanngitsumik malittarisassat sukkulluunniit atuuttut naapertorlugit innersuussisoqarsinnaavoq. Malittarisassat sukkulluunniit atuuttut naapertorlugit inimut aamma qularnaveeqqutinut akiliisoqartassaaq. Sulinermut atatillugu inigisaq atorfeqarnermut attuumassuteqarpoq, taamaalillunilu atorfeqarnerup taamaatinneqarnerani qimanneqassalluni.

Paasissutissat annertunerusut uunga saaffiginninnikkut pissarsiarineqarsinnaapput 

Allaffissornikkut pisortaanissamik inuttassarsiuinermi Pointer A/S Kommune Qeqertalimmit suleqatiserineqarsimavoq. Taamaattumik paasissutissanik annertunerusunik pissarserusukkuit Pointer A/S-mi pisortap Inger Ingvardsen-ip oqarasuaat +45 29 36 86 36 atorlugu attaviginissaanut tikilluaqqusaavutit. Saaffiginnissutit tamarmik nipangiussisussaatitaanerup aqqani suliarineqassapput.

Qinnuteqarfissaq kingulleq 

Qinnuteqaat piaarnerpaamik kiisalu ajornanngippat kingusinnerpaamik ulloq 31. august 2017 kam@pointersearch.dk.-mut nassiunneqassaaq.

Qinnuteqaat uunga nassiunneqassaaq 

Qinnuteqaat uunga mailimut nassiunneqassaaq

kam@pointersearch.dk