Piukkunnarsarfimmut immikkoortumi aqutsisuujutigaluni atuartitsisoq

Aasianni Majoriap ataani immikkoortortaq Piukkunnarsarfik 1. september 2017, inuusuttunik ilinniartitaanikkut suliffeqarnikkullu ineriartortitsinermik siunertaqartumik ingerlatsiffiusoq, 40-t tungaannut atuartuuteqartartoq, 19-t Aasianniit 21-t Qaasuitsup kommuniani piffinnit assigiinngitsuniit, aqutsisussarsiorpoq. Taassani atuartinneqartunut immikkoortumi aqutsisuujutigaluni atuartitsisartussamik pissarsiorpugut 1. september 2017 isumaqatigiissuteqarnikkulluunniit atorfinittussamik.
Qinnuteqarfissaq:
22. august 2017
Sumi:
Aasiaat
Akissarsiat:
Isumaqatigiissutit malillugit

Qaasuitsup Kommuniani Aasianni Piukkunnarsarfik immikkoortortami aqutsisuujutigaluni ilinniartitsisumik pissarsiorpoq 

Piukkunnarsarfik Aasiaat illoqarfiata kangiatungaaniippoq.

Aqutsisuujutigaluni atuartitsisussussaq naatsorsuutigineqarpoq Piukkunnarsarfimmi atuartut ingerlaartinneqarneranni aqutsisuullunilu ataqatigiissaarisuujutigaluni sullissisuussasoq, taamaalillunilu aamma fagini ukunani kisimiilluni ingerlatsisinnaasuseqassallun 

  • Atuartunngornermut pulatitsiniaaneq (intro).
  • Naliginnaasumik AEU-mi atuartitseriaatsinut piareersaalluni ikaarsaartitsiniaaneq.
  • Assassorissanik atuartitsineq.
  • Tunngaviusumik inuttut ilisimasariaqakkanik qaammarsaaneq.      
  • Inuttutt ineriartorneq.
  • Aqqutissiuussineq.
    • Ataavartumik malinnaaneq.
  • Pinaveersaartitsineq.
  • Timersorneq.
  • Nipilersorneq.

 

Ingerlatami aqutsisutut akisussaaffimmik tigummiarlutit ulluinnarni atuartunut, sulisunut, Majoriamut, suliffeqarfinnut avataaniillu saaffiginnittunut attaveqaataallutit suleqataassaatit. Piuukkunnarsarfik immikkuullarissuummat ingerlatap pitsaasumik tulluartumillu ingerlanissaa pillugu piumassuseq annertooq pigissagit naatsorsuutigineqarpoq.

 

Soqutigisarissavat atuartunik ingerlariaqqitsitsiniaaneq, taamaalilluni Piukkunnarsarfimmi atuartunut atuartitsineq imaqarluartutut ineriartorfiulluartutullu misigitissinnaassallugu.

 

Piukkunnarsarfiup ingerlanneqarnera Majoriap aqutsisua, sulisullu allat qanimut suleqatigalugit ingerlanneqartassaaq, tamatumunngalu piumasaqaataavoq, uku piginnaaneqarfigissagitit:

 

  • Suleqateqarsinnaaneq,
  • Nutaamik eqqarsarneq isumassarsiullaqqinnerlu,
  • Inunnut immikkut pisariaqartitsisunut paasinnilluarsinnaaneq aqqutissiuusserusussuseqarnerlu.

Naatsorsuutigaarput 

  • Atuagarsornikkut ilinniagaqarsimasuunissat.
  • Oqaatsitigut piginnaaneqarluassasutit (kal/qal), oqaluttariarsornikkut allattariarsornikkullu.
  • Atorfimmik assigusumik misilittagaqarsimassaatit.
  • Tatiginartumik ataqqinartumillu inuusuttunut pissusilersorsinnaassasutit.
  • Atuarfimmi malittarisassanik atuartunut tamanut atuuttunik atuutsitsisinnaassuseqassasutit.
  • Piumassuseqartuussaatit ineriartortitseqataarusussuseqassallutit
  • Qarasaasiamik naliginnaasumik atuisinnaassaatit.
  • Imigassamik aanngajaarniutinillu ajornartorsiuteqanngitsutit.
  • Pinerluuteqarsimannginnermik uppernarsaammik takutitaqarsinnaassasutit.

Neqeroorutigaagut 

  • Atorfeqartitaanermi akissarsiallu pillugit apeqqutit kattuffiup isumaqatiginninniarsinnaatitaasup Naalakkersuisullu akornanni isumaqatigiissutit naapertorlugit inissinneqassapput.

  • Immikkoortumi aqutsisuunermut tapeq.

  • Ilaqutariit amerlassusaat naapertorlugu pisaqatanngitsumik inissaqartitsisoqassaaq, malittarisassat atuuttut naapertorlugit akilersorneqartussamik.

  • Isumaqatigiissutit malillugit atorfininnermut tunngatillugu angalaneq kiisalu pisattat angallanneqarneri pissapput. Tamatumunnga aamma ilaavoq aapparisaq meeqqallu 18-nit inorlugit ukiullit.


Paasissutissat 

Atorfik pillugu Aasianni Majoriami pisortaq Marianne Sørensen Larsen oqarasuaatikkut 894769 imaluunniit e-mailikkut mars@qaasuitsup.gl paasiniaavigineqarsinnaavoq.

Qinnuteqarfissaq kingulleq 

Qinnuteqaat, ilinniagaqarsimanermut uppernarsaatinik aammalu siusinnerusukkut sulisimanermut uppernarsaatinik ilalik, mailikkut: hr@qaasuitsup.gl kingusinnerpaamik tiguneqareersimassapput 22. august 2017.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl