Allagarsiuteqqitaq - Ikuallaavimmi ingerlatsinermut aqutsisoq

Qaasuitsup Kommuniani ingerlatsinermut avatangiisinullu ingerlatsivik, Ilulissani ikuallaavimmi ingerlatsinermut aqutsisumik pissarsiorpoq 1. september 2017 imaluunniit isumaqatigiissuteqarnikkut atorfinittussamik.
Qinnuteqarfissaq:
27. august 2017
Sumi:
Ilulissat
Akissarsiat:
Isumaqaigiissut malillugu

Qaasuitsup Kommuniani Ilulissani ikuallaavimmi ingerlatsinermut aqutsisumik pissarsiorpoq 

Atorfik Ilulissani ikuallaavimmi inissisimavoq, qaninnertullu aqutsisorissavat ingerlatsinermut teknikkimullu ingerlatsinermut akisussaasuusoq.


Sulinermut aamma akisussaaffeqarnermut tunngasut 

  • Ilulissani ikuallaavimmik tigooraavimmillu teknikkikkut aserfallatsaaliineq

  • Ilulissat ikuallaaviata tigooraavianillu aamma anartarfilerinermut eqqaaviata aserfallatsaalineqarnissaannik pilersaarusiorneq

  • Ikuallaavimmi, tigooraavimmi aamma eqqaavilerinermik anartarfilerinermillu kiisalu eqqaavissuarmi kommunip sulisuinik ulluinnarni aqutsinermik isumaginninneq

  • Suliarinninnermi periutsinik nutaanik, teknikkimik nutaamik atuilernermik il.il. inerisaanermi aallussisumik peqataaneq

  • Atortulersuutit nutaat (assersuutigalugu eqqakkanik ikuallaavik nutaaq) pillugit suleqatigiissitami /aqutsisoqatigiinni peqataaneq

  • Nammineq suliassaqarfik pillugu missingersuusiorneq aamma aningaasaqarnikkut aqutsineq

  • Pissutsit atuuttut aamma inatsisitigut piumasaqaatit malillugit aaqqissuussaanermik ingerlaavartumik naleqqussaaneq


Piginnaasaqassutsikkut kissaatigisat 

Qinnuteqartut pitsaasunik suliatigut piginnaasaqarnissaat aamma ilinniagaqarnikkut tunuliaqutaqarnissaat kissaatigaarput, ikuallaaviup pitsaasumik ingerlatsiviginissaanut qulakkeerinneqataasinnaammata.

  • Ingerlatsimut, sanaartornermut imaluunniit atortulersuinermut tunngasuni pisortat aaqqissuussaaffianni suliffeqarfiutaanniluunniit atorfeqarnermik misilittagaqartoq

  • Kalaallit Nunaanni pissutsinik ilisimasalik

  • Sulinermi avatangiisinut sillimaniarnermullu tunngasunut Kalaallit Nunaanni inatsisilianut pingaaruteqartunut ilisimasalik

  • Kalaallisut danskisullu oqalusinnaasoq

Illit suliassannut iseriartortissinnaaqqullutit, suliffik pillugu pitsaasumik sukumiisumillu ilitsersorneqarnissat isumagissavarput.

Aaqqissuussaaffik tamakkerlugu suleqatigiinnissamut piumassuseqarnissat pingaartuuvoq, minnerunngitsumik avatangiiserisami marloqiusamik kultureqarfiusumi suleqataanissamut piumassuseqassaatit, tamatumani suliatigut piginnaasaqarnissaq aamma inuttut piginnaasaqarnissaq annertuumik pingaartinneqarpoq.


Akissarsiat aamma atorfinitsinneqarneq 

Isumaqatigiissutit atuuttut malillugit atorfinitsinneqarneq akissarsiaqartinneqarnerlu pissapput. Atorfimmut atatillugu sulisunut inissiamik innersuussisoqarsinnaavoq, soorluttaaq atorfininnermut soraarnermullu atatillugu angalaneq kiisalu pisattanik nassiussineq maleruagassat atuuttut malillugit pissasoq.

Atorfik 1. september 2017 isumaqatigiissuteqarnikkulluunniit inuttalerneqassasoq kissaatigineqarpoq.


Paasissutissat 

Atorfik pillugut paasissutissat sukumiinerusut, Sullissivimmi aqutsisumut Sussi Cortzen-imut saaffiginninnikkut pissarsiarineqarsinnaapput, oqarasuaammut uunga: +299 947811 imaluunniit mail-imut uunnga scr@qaasuitsup.gl.


Qinnuteqarfissaq kingulleq 

Qinnuteqaat, imminut ilisaritinnermik aamma soraarummeernermi uppernarsaatit nuutinnerinik aamma sulisitsisorinikuusanut attaveqarfissanik ilaqartoq nassiunneqassaaq uunga Qaasuitsup Kommunia, Sulisoqarnermut immikkoortortaq, Postboks 1023, 3952 Ilulissat imaluunniit uunga mail-imut hr@qaasuitsup.gl kingusinnerpaamillu kommunimit tiguneqarsimassalluni ulloq 27. august 2017.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl