Allagarsiuteqqitaq - Ilulissani ingerlatsinermut akisussaasoq

Ingerlatsinermut avatangiisinullu immikkoortortaqarfik, Ilulissani immikkoortortami ingerlatsinermut akisussaasussamik pissarsiorpoq ulloq 1. september 2017-imi imaluunniit isumaqatigiissuteqarneq malillugu atorfinittussamik.
Qinnuteqarfissaq:
27. august 2017
Sumi:
Ilulissat
Akissarsiat:
Isumaqatigiissut malillugu

Qaasuitsup Kommuniani Ilulissani ingerlatsinermut akisussaasumik pissarsiorpoq 

Qaasuitsup Kommuniani immikkoortortat allat ingerlatsivillu suleqatigalugit, Ilulissat illoqarfiani nunaqarfiinilu sisamani ulluinnarni ingerlatsinermik suliaqarneq ingerlatsinermut akisussaasup suliassarisarpaa.

Ingerlatsinermut avatangiisinullu immikkoortortamut ilaapput immikkoortortat ingerlatsinermut akisussaasup akisussaaffigisai makkuusut 

  • Ingerlatsinermut avatangiisinullu allaffik

  • Ikuallaavik

  • Eqqakkanik tigooraavik

  • Eqqaavissuaq

  • Sannaveqarfittut immikkoortortaq aamma garage-mik taaneqartartoq

  • Kalaalimineerniarfik

  • Nunaqarfiit sisamat

Ingerlatsinermut avatangiisinullu immikkoortortaq, Sullissivimmi allaffeqarfeqarpoq.


Piginnaasaqassutsimik kissaatit 

  • Pisortat aaqqissuussaaffianni imaluunniit suliffeqarfimmi ingerlatsinermik, sanaartornermik suliaqartumi misilittagalik.
  • Qarasaasiani atortulersuutinut Office-imut, MAP-info-mut aamma Winformatik-imut ilisimasalik
  • Sulinermi avatangiiserisanut piumasaqaateqarfiusunut, kisiannili sukangavallaanngitsunut pitsaasunullu akulerussinnaasoq, sulianut tunngasutigut ineriartornissamut periarfissaqartunut
  • Kalaallit Nunaanni pissutsinik ilisimasalik.
  • Kalaallit Nunaanni inatsisinut pingaaruteqartunut ilisimasalik.
  • Kultur-imik inunnillu paasinnissinnaasoq, matumani inuiaqatigiinni marluinnik oqaaseqarfiusumi pissutsit immikkut ittut eqqumaffigisinnaanerat ilanngullugu.
  • Kalaallisut, tuluttut dansk-isullu oqalussinnaasoq.
  • Biilinik ingerlatitsinermut allagartalik.
  • Attaveqartarnermi pitsaasunik piginnaasalik kiffartuusserusussuseqartorlu
  • Qiimasoq angusaqarusussuseqartorlu

 

Suliffimmut tunngatillugu pitsaasumik sukumiisumillu ilitsersuunneqarnissat isumagissavarput, taamaalillutit illit suliassannut iseriartuaartinneqarsinnaassagavit.

Aaqqissuussaanerup iluani suliaqarfiit assigiinngitsut suleqatiginissaannut piumassuseqarnissat kiisalu avatangiiserisani marloqiusamik kultureqartuni suleqatigiinnissamut piumassuseqarnissat pingaaruteqarpoq, tamatumanimi piginnaasat inuttut piginnaasaqarnertuulli angitigisumik pingaartinneqartarmata.

Ilinniagaqarsimanermut piumasaqaatit kiisalu aqutsisutut misilittakkat 

Ilinniagaqarsimanermut atatillugu, ingeniør-itut, illussanik titartaasartutut ilusilersuisartutullu, tekniikeritut, allaffimmiutut assigisaanilluunniit tunuliaqutaqartumik kiisalu aqutsisutut ilinniagaqarsimasumik sivikinnerpaamik ukiuni pingasuni misilittagalimmik pissarsiorpugut.


Akissarsiat atorfinitsitsinerlu 

Atorfinitsitsineq akissarsiaqartitsinerlu isumaqatigiissutit atuuttut naapertorlugit pissapput. Atorfimmut atatillugu sulisunut inissiamik innersuussisoqarsinnaavoq, soorluttaaq sulilernermi suliunnaanermilu angalaneq pequtillu assartornerat maleruagassat atuuttut malillugit pissasut.

Atorfik ulloq 1. september 2017-imi inuttalerneqassasoq kissaatigineqarpoq.

PIsortatigoortumik pinerluuteqarsimanermut uppernarsaat, taanna qinnuteqartup atorfinitsinneqarnissamut innersuunneqartup akuersinera aallaavigalugu Rigspoliti-nit sulisitsisup pissarsiarisinnaasaa, naammaginartoq tunngavissaatillugu atorfinitsitsineq pissaaq.

Atorfik pillugu paasissutissat sukumiinerusut pissarsiarineqarsinnaapput Sullissivimmi aqutsisumut Sussi Cortzen-imut saaffiginninnikkut pissarsiarineqarsinnaapput uunga oqarasuaammut: +299 94 78 11 imaluunniit mail-ikkut uunga scr@qaasuitsup.gl.


Qinnuteqarfissaq kingulleq 

Qinnuteqaat imminut ilisaritilluni allaaserisamik aamma soraarummeernermi uppernarsaatinik kiisalu oqaaseqaatinik ilaqartut nassiunneqassapput uunga Qaasuitsup Kommunia, Sulisoqarnermut immikkoortortaq, Postboks 1023, 3952 Ilulissat imaluunniit mail-ikkut uunga hr@qaasuitsup.gl taakku kingusinnerpaamik ulloq 27. august 2017-imi kommunimit tiguneqariissapput.


Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl