Uummannami ulluunerani paaqqinnittarfik isumaginninnermut ikiortimik pissarsiorpoq

Qaasuitsup Kommuniani, Uummannami, ulluunerani paaqqinnittarfik Meeqqerivik Dronning Ingrid aamma Nuunu isumagininnermut ikiortimik, 1. september 2017 isumaqatigiissuteqarnikkulluunniit atorfinittussamik pissarsiorpoq.
Qinnuteqarfissaq:
22. august 2017
Sumi:
Uummannaq
Akissarsiat:
Isumaqatigiissut malillugu

Qaasuitsup kommuni Uummannaq isumaginninnermut ikiortimik sulisussarsiorpoq 

Isumaginninnermut ikiortip qaninnertut qullersarissavaa Uummannami, ulluunerani paaqqinnittarfimmi aqutsisoq.

Suliassat akisussaaffiillu 

  • Paaqqinnittarfiup anguniagai suleriaatsitullu pilersaarutai malillugit sulineq.
  • Meeqqat akisussaassuseqartumik isumannaatsumillu paarineqarnissaat.
  • Init suleqatigiaallu immikkoortut akornanni suleqatigiinneq.
  • Angajoqqaanik suleqateqarneq.
  • Ulluinnarni pisartut tulleriisitaarneri sulisut akornanni paarlagiiaallugit suliassat.

Piginnaasat 

  • Isumaginninnermut ikiortitut ilinniarsimasuunissaq.
  • Ulluunerani paaqqinnittarfimmi sulinermik misilittagalik.
  • Akisussaassuseqartuuneq.
  • Takunnissinnaaneq naleqqussarsinnaanerlu.
  • Ulapipallassinnaaneq, eqaatsumik suleriuseqarneq.
  • Suleqatikkuminartoq aalaakkaasorlu.
  • Timikkut tarnikkullu peqqissuuneq, kiisalu ammasuuneq qiimasuunerlu.
  • Paaqqinnittarfiup anguniagai iliuusissatullu pilersaarutai aallaavigalugit sulisinnaaneq.

Akissaatit atorfeqartitaanermullu atugassarititaasut 

Atorfininnermi atugassarititaasut Naalakkersuisut kattuffiullu isumaqatigiinniarsinnaatitaasup akornanni isumaqatigiissut atuuttoq naapertorlugu atorfinitsitaaneq pissaaq.

Atorfimmut atatillugu inissaqartitsisoqanngilaq.

Pinerlussimannginnermut uppernarsaat, meeqqanullu pinerliisimannginnermut uppernarsaatit naammaginartut tunngavigalugit atorfinitsitaaneq pissaaq, taakkulu qinnuteqartup akuersineratigut Rigspolitiinit sulisitsisumiit piumaneqassapput.

Attaveqarfissaq:

Meeqqerivik Dr. Ingrid aamma Nuunumi aqutsisoq, Dorthe Mathiassen Grønvold,  oq. 95 4558 imaluunniit e-mail: domg@qaasuitsup.gl

Qinnuteqarfissaq kingulleq 

Qinnuteqaat ilinniarsimanermut siornatigullu sulisimanermut paasissutissanik imalik, ilanngullugit soraarummeernermut il.il. allagartat Sulisoqarnermut Immikkoortortaqarfimmut apuutereersimassapput kingusinnerpaamik 22. august 2017 

Qinnuteqaat uunga nassiunneqassaaq 

Qaasuitsup Kommunia

Sulisoqarnermut immikkoortortaqarfik

Postboks 1023

3952 Ilulissat

e-mail: hr@qaasuitsup.gl