Allagarsiuteqqitaq - Timimik sungiusaasartoq - Pillorissaasoq

Qaasuitsup Kommuniani timimik sungiusaasartutut atorfik Ilulissani inunnik isumaginnittoqarfiup angerlarsimaffimmi ikiorteqartitsinermik ingerlatsiffiata ataaniittoq, 1. august 2017 imaluunniit isumaqatigiissuteqarnikkut atorfinittussamik.
Qinnuteqarfissaq:
30. juni 2017
Sumi:
Ilulissat
Akissarsiat:
Isumaqatigiissut malillugu

Angerlarsimaffimmi ikiortit aqutsisuannut toqqaannartumik akisussaffeqarlutit, angerlarsimaffimmi ikiorteqartitsinermi sulisut allat suleqatillu avataaneersut allat peqatigalugit suleqataassaatit, ilaatigut suliassat anguniakkallu tulliuttut suliarisassavai 

  • Utoqqaat innarluutilillu atugaasa ajorseriannginnissaat pitsanngoriartinnissaallu qulakkiissallugu, taamaalillutik taakku angerlarsimaffimminni sivisunerpaamik ajunngitsumik ingerlasinnaassallutik.

  • Innuttaasut timiminnik atuisinnaassutsikkut piginnaanikillisimasut, atortunik ikiorsiissutinik pisariaqartunik pissarsisinnaanissaat suleqataaffigissallugu.

  • Atortut ikiorsiissutit kiisalu inigisat allanngortitersinnaanerat pillugu sulianik suliarinnittartunut siunnersuisarneq, kiisalu pisariaqartitsineq malillugu taakkuninnga ujartuineq.

  • Utoqqaat innarluutillillu sungiusarnerinik, timiminnillu ajorseriartitsinnginnissaannik pinaveersaartinermillu isumaginninneq, ilaatigut kommunip ineqarfiutaani aamma innuttaasut innarluutillit najugaqarfiini.

  • Suliniummut KRAM-imut pigineqareersumut ataqatigiissaarineq aamma ilinniartitsisarneq, illoqarfimmi innuttaasut sapaatip akunneranut marloriarlunik sungiusartinnerat ilanngullugu.

  • Sapaatip akunnerata ingerlanerani akunnerni marlunni ataatsimoortunut sungiusaaneq.

  • Meeqqanut inersimasunullu innarluutilinnut, taakku ilaqutaannut, angerlarsimaffimmi ikiortinut, tapersersortinut suleqatinullu allanut siunnersuineq ilitsersuinerlu.

  • Innuttaasunut timiminnik atuisinnaanermikkut piginnaasakitsunut angerlarsimaffimmi ikiorteqartitsineranut pisariaqartunut angerlarsimaffimmi ikiortit aqutsisuata nalilersuinerani tapersersuineq.

  • Sulisut kommunimi atorfeqartut ilinniartinneqarneranni pikkorissartinneqarnerannilu assigiinngitsuni peqataaneq.

  • Ataatsimiinnerni pisariaqartuni aamma suliniutini kiisalu meeqqanut/inuusuttuaqqanut/inersimasunut/utoqqarnut innarluutilinnut paaqqinnittarfiit nutaat pilersinneqarnissaat pillugu suliniutini peqataaneq.

  • Kommunip atortunik ikiorsiissutinik pigisaanut akisussaaneq.

  • Suliassat allat.

Pissarsiariumavarput 

Timimik sungiusaasartoq pimoorussisoq/pillorissaasoq, pikkorissoq sungiussiasorlu, ajornanngippat siuliini taaneqartuni misilittagaqartoq. Qinnuteqartut nammineersinnaanermut pilersitsisinnaanermullu piginnaasaqasapput kiisalu illoqarfiup innuttaanut tunngatillugu timimik sungiusaasarnermi sulinermut atatillugu suliniuteqarumassuseqarlutillu inerisaarusussuseqassapput. Qinnuteqartup aalajaatsuunera, ammasuunera, inussiarnersuunera suleqatikkuminartuuneralu pingaartinneqarumaarput. Timimik sungiusaasartoq marluinnik oqaasilik salliutinneqassaaq, tamannali piumasaqaatanngilaq.

Atorfimmut atatillugu paasissutissiissutigineqarsinnaapput makku 

Atorfik siamasissorujussuuvoq ukioqatigiiaallu tamakkerlugit suliassaqarfigisarlugit. Maannakkut iluseqarnermini tamatigoortuuvoq unammillernartuullunilu, suliassanik nammineerluni pingaarnersiusinnaanermut periarfissaqarluni.

 

Sapaatip akunneranut sulinermi piffissaq atorneqartartoq akunnernik 40-nik sivisussuseqarpoq. Angerlarsimaffimmi ikiortit aqutsisuat timimik sungiusaasartup allaffeqatigisarpaa.

Akissarsiat sulinermilu atugassarititaasut 

Atorfinitsinneqarneq akissarsiaqartitaanerlu, Naalakkersuisut aamma Kalaallit Nunaanni Timimik Sungiusaasut – Grønlandske Fysioterapeuter – nunatsinni Namminersorlutik Oqartussani kommuninilu atorfillit timimik sungiusaasartut, akornanni isumaqatigiissutit naapertorlugit pissapput.

 

Atorfimmut atatillugu sulisunut inissiaqartitsisoqarsinnaavoq, taamatuttaaq sulilernermi suliunnaarnermilu angalaneq kiisalu pequtit angallanneqarnerat maleruagassat atuuttut malillugit pisussaasoq.

 

Atorfik pillugu paasissutissat sukumiinerusut angerlarsimaffimmi ikiortit aqutsisuannut Laura Lyberth Grønvold-imut, oqarasuaammut +299 94 76 45-imut imaluunniit e-mail-imut llg@qaasuitsup.gl-imut saaffiginninnikkut pissarsiarineqarsinnaapput.

Qinnuteqarfissaq kingulleq 

Qinnuteqaat ilinniarsimanermut siusinnerusukkullu suliffigisimasamut tunngatillugu paasissutissanik aammalu soraarummernermi uppernarsaatinik suliffiginikuusallu oqaaseqaataasa nuutinnerannik ilaqartoq Qaasuitsup Kommunianut Ilulissanut nassiunneqassapput, uunga: Sulisoqarnermut immikkoortortaq, Postboks 1023, 3952 Ilulissat imaluunniit qarasaasiaq atorlugu nassiunneqarsinnaapput uunga: hr@qaasuitsup.gl, tiguneqareersimassallutillu kingusinnerpaamik 30. juni 2017.

Qinnuteqaat uunga nassiunneqasssaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl