Qaanaami isumaginninnermut immikkoortortaqarfimmut aqutsisussarsiorneq

Qaasuitsup Kommuniani immikkoortortami pisortatut atorfik inuttassarsiorneqarpoq
1. august 2017 imaluunnit isumaqatigiissuteqarnikkut atorfinittussamik.
Qinnuteqarfissaq:
4. juli 2017
Sumi:
Qaanaaq
Akissarsiat:
Isumaqatigiissut malillugu

Qaasuitsup kommuniani Qaanaami isumaginninnermut allaffimmi aqutsisoq 

Atorfik allaffissornikkut inississimavoq Qaanaap illoqarfiani tassanilu nunaqarfittai ilanngullugit isumaginninnermut attuumassuteqartunut akisussaaffeqassalluni.

Suleqatinut qaninnerpaanut akisussaaffiit ilaatigut makkuussapput 

  • Illoqarfigisami isumaginnittoqarfimmiit (tamatuma ataani isumaginninnikkut suliffeqarfinniit) isumaginninnermi ataatsimiititaliamut inassutaasut tamarmik qitiusumik isumaginnittoqarfimmut ingerlateqqinnissaat isumagalugit taavalu inassutaasut tamarmik paasissutissanik uppernarsaatinillu naammattunik imaqarnersut isumagalugit.
  • Isumaginninnermi ataatsimiititaliami aalajangiunneqartut tamarmik immikkoortortaqarfimmi sullissisunit eqqoortumik suliarineqarnersut isumagalugit
  • Isumaginninnerup iluani inatsisissaq nutaaq pillugu tusarniutitut akissutip suliarnissaa tapertaalluni peqataaffigalugu
  • Qaanaami isumaginninnikkut akiliutigineqartut tamarmik naminnaaffigalugit taavalu Qaanaami isumaginninnikkut naatsorsuuserinerup inissisimanera qaammatikkaartumik nalunaarusiortarlugit, pisortaasut suleqatiginerisigut inissititerilluni allanngortitserinerit, inissisimanernit allanngortiterinerit, taavalu sipaarniuteqarnerit ingerlanneqarnissaat isumagalugit kiisalu pisariaqartillugu immikkut aningaasaliiffigisassaqartillugu piffissaatillugu qunnuteqartoqarpat isumagalugit.
  • Qaanaami isumaginninnikkut missingersuusiornermut atatillugu ataqatigiisitsisuulluni taavalu missingersuutit pillugit kukkunersiuisuulluni. Akunnermi pisortaasutsullissisullu attuumassuteqartuusut tamarmik missingersuusirnissamut peqataanissaat isumagalugit.
  • Qaanaami isumaginninnikkut naatsorsueqqissaarutit tamarmik ataavartumik ilisimatitsissutigisarlugit.
  • Qaanaami isumaginninnikkut suleqataasunut tunngasut pillugit sulisunut suliassat suliarineqarnerini peqataasarluni; tamatuma ataani atorfinitsitaanermut, mianersoqqusinermut, soraarsitsinermut, atorfiit pillugit allagaqaasiornermut atatillugu il.il.
  • Naammagittaalliuutit tamaasa eqqarsaatigalugit qitiusumik isumaginnittoqarfimmi ataqatigiissitsisuulluni taavalu immikkoortortaqarfimmi naammagittaalliuutit piaartumik suliarinissaat eqqarsaatigalugit sullissisuniit uppernarsaatit pisariaqartinneqartut eqqortullu nassiunneqarnersut isumagisaralugit.
  • Oqarasuaatikkut ataatsimiittarnerni ileqquusumik peqataasarnissaq taavalu immikkoortortaqarfimmi pisortaasut qitiusumilu aqutsisut isumaginninnerup iluani attaveqaatikkut ataatsimiittarneranni peqataasarnissaq.

Piginnaasat 

  • Isumaginninnermi siunnersortitut ilinniagaq – aqutsisuunermik ilinniagaqarnermik ilassutitaqassaaq (imaluunniit ilinniagaqarnissamik piumassuseqarneq pigineqassaaq)
  • Siunnersortaanermut ikiortitut ilinniagaq isumaginninnikkut ilinniarnermut tunngasunik pikkorissarnertalinnik ilassutitaqassaaq (imaluunniit ilinniagaqarnissamik piumassuseqarneq pigineqassaaq)
  • Ilinniagaq HK imaluunniit aningaasaqarnermut ilinniagaq isumaginninnermi inatsisilerinikkut ilinniakkamut tunngasunik pikkorissarnernik ilassutitaqassaaq (imaluunniit ilinniagaqarnissamik piumassuseqarneq pigineqassaaq)
  • Isumaginninnikkut aqutsinermi misilittagaqarneq
  • Isumaginninnikkut aningaasaqarnermup aqunneqarnerani sulianit misilittakkat.
  • Isumaginninnikkut allaffissornermi eqqartiissositogit maleruagassanit misilittakkat.

Akissarsiat atorfeqarnikkullu atugassarititat 

Atorfimmut atatillugu inissaqartitsisoqassaaq malittarisassat atuutuut tunngavigalugit.

Atorfimmut paasissutissat annerusut piniarneqarsinnaapput Qaasuitsup Kommuniani Isumaginninnermut/ suliffissaqartitsiniarnermut/Pinaveersaartitsinermullu pisortaanermut Henrik Sóloy -imut saaffiginninnermi, mail heso@qaasuitsup.gl

Qinnuteqarfissaq kingulleq 

Qinnuteqaat soraarummeersimanermullu allagartat attuumassuteqartut assilineri, CV kiisalu oqaaseqaatit inassuteqaatillu kingusinnerpaamik nassiunneqassapput 4. juli 2017

Qinnuteqaat uunga nassiunneqassaaq 

Qaasuitsup Kommunia

Sulisoqarnermut immikkoortortaqarfik

Postboks 1023

3952 Ilulissat

imaluunniit mail-imut: hr@qaasuitsup.gl