Meeqqanut inuusuttunullu inunnik isumaginninnermut siunnersortit marluk

Aasiaat Kommuneani Innuttaasunik Sullissivimmi isumaginninnermi siunnersortitut atorfiit marluk inuttassarsiorneqarput 1. august 2017 imaluunniit isumaqatigiissuteqarnikkut sulilersussaamik.
Qinnuteqarfissaq:
29. juni 2017
Sumi:
Aasiaat
Akissarsiat:
Isumaqatigiissut malillugu

Qaasuitsup Kommuniani Aasianni meeqqanut inuusuttunullu inunnik isumaginninnermut siunnersortinik marlunnik pissarsiorpoq 

Atorfik sullissisunik, isumaginninnermi siunnersortinik marlunnik ilaqutariinnut aamma meeqqanik inuusuttunillu sullissinermik misilittagaqartunik inuttalerusunneqarput.


Suliassaqarfiit makkuupput 

  • Meeqqanut / inuussuttunut, kiisalu ilaqutariinnik sullissinermut atatillugu siunnersuil-lunilu ilitsersuinerit

  • Meeqqanik paarisassanngortitsisarnerit, angajoqqaarsiassanik akuerisassanngortitsinerit

  • Inatsisit susassaqarfimmut atuuttut tunngavigalugit sullissinerit

  • Suleqatigisartakkanik illup iluaneersunik avataaneersunillu suliassaqarfiit assigiinngitsut pillugit suleqateqarneq

  • Suliassaqarfiit ataatsimiititaliaanni suliassanik piareersaaneq

  • Sullissisartoqatigiit ataatsimiittarnerini, kiisalu suleqatigiisitani attuumassuteqarfigisani peqataasarneq

  • Suiassanik aallartinneqareersunik iluarsaassineq malinnaatitsinerlu

  • Nalinginnaasumik innuttaasunik sullissivimmi suliassanik naammassinninniarnermi peqataasarneq.

     

    Atorfinikkaanni naatsorsuutigineqassaaq vagtordning-imut peqataanissaq.

     

    Atorfimmik inuttaliiniarnermi nammineersinnaassuseq, ammasuuneq, allanngortitsinissamut aamma nutaaliorsinnaanermik piginnaaneqarneq pingaartinneqassapput.


Akissarsiat atorfininnermilu atugassarititat 

Atorfinitsitsineq pissaaq isumaqatigiissutit atuuttut malillugit. Illoqarfiup avataaneersumik atorfinitsitsinermi angalaneq pisattallu assartorneqarnerat sulisitsisumit akilerneqassapput, inissaqartitsisoqassallunilu maleruagassat atuuttut malillugit akilerneqartartussamik.


Paasissutissat 

Atorfik pillugu paasissutissat ersarinnerusut sullissivimmi pisortamut Judithe Petrussen oqarasuaat 89 4733 paasiniarneqarsinnaapput, imaluunniit teameder Ingelise Brandt oqarasuaat 89 4737.


Qinnuteqarfissaq kingulleq 

Qinnuteqaat Qaasuitsup Kommunianut tunniunneqareersimassaaq kingusinnerpaamik ulloq 29. juni 2017.

Qinnuteqaat uunga nassiunneqassaaq 

Qaasuitsup Kommunia

Sulisoqarnermut Immikkoortortaqarfik

Postboks 1023

3952 Ilulissat

Imaluunniit e-mail-ikkut: hr@qaasuitsup.gl